【巴打必讀】模型 Figure 玩具 の保養及收藏貼士

玩具,絕對唔係小朋友嘅專利。今時今日,好多大朋友(尤其係大男孩)都會買玩具,例如高達模型、超人Figure、動漫公仔等等,而且仲會買到一屋都係!屋企咁多 模型 Figure 玩具 ,到底應該點樣收藏同保養,先可以令佢哋歷久如新呢?以下係一啲玩具保養重點,玩具迷不可不知!

 

1)強光係玩具大敵

無論係塑膠模型、可動Figure、PVC公仔等,都唔可以被陽光或強光照射!長期被強光射住,模型可能會變形、膠質有機會變脆,而且仲會甩色。所以你擺放或展示 模型 Figure 玩具 嘅位置,絕對要避免有陽光照射;如果你嘅展示櫃裝有小射燈,要採用不發熱嘅LED燈。

 

2)注意濕度與溫度

潮濕同高溫,同樣係膠質玩具嘅大敵。最理想嘅儲存濕度係50%左右,若果太乾燥亦會對玩具有不良影響。一般而言,喺玩具盒內或收納/展示玩具嘅櫃中放置一啲防潮珠或吸濕包,已經可以有效保持乾燥。

 

3)要定期除塵

玩具表面積塵太多,會變成難以清除嘅污漬,所以要定期除塵。可以用清潔相機鏡頭嘅用具,如吹氣掃、軟毛掃等除塵,盡量唔好用水或清潔劑,以免損害玩具表面及塗層。而最好嘅防塵方法,就係將佢哋擺放於密封嘅玻璃櫃或透明膠箱內。

 

4)保持空氣流通

有啲玩具模型你買番來未必會拆盒來玩,但其實長期密封必未係好事!最好間中將佢開盒,俾啲玩具抖下氣。因為玩具表面嘅顔料有揮發性,長期唔通風有機會變質變色。

 

5)小心黑手

把玩模型或公仔,雙手最好戴上棉質白手套。因為你嘅手指甲有機會刮花玩具表面,而你手指嘅濕氣同油脂亦有可能傷及塗層。仲有,如非必要,盡量唔好帶啲玩具出街啦。

 

6)擺放位置要審慎

唔少玩家鍾意喺家中用展示櫃,將好多珍藏品「展出」。但請注意,玩具擺放嘅位置不直太高或太低。太高嘅話,自己將玩具移動時有機會出意外;如果放得太低,就好容易引來小孩或者寵物嘅魔手,變成咗佢哋嘅「玩具」,後果不堪設想!

 

溫馨提示:如果你間屋已經太多模型 Figure 玩具,需要額外空間妥善咁收藏你嘅心頭好,Boxful可以幫到你喎!無論你只係需要一個箱嘅額外空間,抑或你需要多個儲物房,Boxful唔同嘅Plan總有一樣啱你用,即刻睇睇啦!

即按了解Boxful服務

——

延伸閱讀:【老公 Vs 老婆】邊個先係 儲物狂 ?

延伸閱讀:【一屋玩具點樣執?】培養孩子自小就懂得 玩具收納

緊貼Boxful BlogFacebook Page,獲取更多家居生活貼士!

發表回覆

你的電郵地址並不會被公開。 必要欄位標記為 *