【一屋玩具點樣執?】培養孩子自小就懂得 玩具收納

作為母親,一定會經常頭痛:「啲玩具四圍都係,點執呀!」尤其佳節過後,小朋友們特別貪新忘舊,新具拆到一屋都係,舊玩具就唔收拾好。有時湊啲幼童食餐飯啫,又要出動一大堆玩具;食飽之後,細路就瞓覺,大人就要執玩具……Boxful提提你: 玩具收納 係要從小教育子女自己去做!

 

2歲起就可學習

其實作為媽媽,執玩具真係唔使搞到咁攰,秘訣係:要教導子女同你一齊執玩具,作為孩子成長的其中一課。

你或者會質疑:「細路仔仲咁細個,唔搞亂檔已經偷笑啦,仲要教佢哋執玩具?冇可能吧!」千祈唔好睇小佢哋,其實小朋友喺2歲左右就有能力記憶物品嘅位置,甚至可以幫你找尋物品!佢哋對周遭環境嘅觀察,亦往往比成年人更仔細,只要你從孩子嘅角度出發,佢哋可以學會嘅事情絕對超乎你想像。

 

將收納變成遊戲

教導孩子收納大原則係:令收納變得像玩遊戲一樣咁有趣。孩子們的直覺反應係:「只想做有趣事情」,所以要將執拾玩具呢件事包裝一下,製造一個情境讓孩子有發揮想像力空間。

例如:你可以告訴孩子,公仔喺外面玩咗一日好攰了,佢要將架車仔駛番入停車場,然後返屋企休息。又或者:餐廳要收鋪了,要將店內嘅用具收拾好,咁第二日先可以再營業……如此這般,將佢哋在玩遊戲時所扮演的角色都延伸到收納之中,令收納變成遊戲的一部分,孩子就會自動自覺咁幫手完成任務。

 

讓孩子有自主權

當孩子開始大個了,玩具和雜物愈來愈多,而家居空間有限,點樣收納都變不出更多空間,咁你或者應該考慮將部分玩具和物品送去迷你倉度儲存,又或者使用迷你箱服務。不過,又點樣令到孩子願意將玩具「送走」呢?

答案係:俾孩子有個人自主空間。例如,你可直接俾一個Boxful收納箱佢,俾佢知道呢個箱係佢專用的,而放入去東西父母都不會理會,但佢必須自己決定應該將邊啲玩具放入呢個收納箱,清楚告知呢啲物品至少會離開佢一段時間。在工作人員上門取件時,俾孩子親眼睇住自己專屬收納箱封箱,並讓佢簽名確認,為自己的決定負責。

即搵 Boxful 幫手

結論:

孩子擁有無窮想像力,令收納呢件事「遊戲化」,佢哋反而會主動幫忙。並在適當時給子女自主空間,父母信任與肯定,亦令佢哋對於自己做事情有成就感,就會更樂於收納。就係咁樣,父母們就不用再為了屋企滿地玩具而煩惱了。

 

——

延伸閱讀:【新手媽媽必讀】 BB房 收納大法

延伸閱讀:【時尚家居貼士】有益孩童成長的 幼兒房間 規劃

緊貼Boxful BlogFacebook Page,獲取更多家居生活貼士!

發表回覆

你的電郵地址並不會被公開。 必要欄位標記為 *