【老公 Vs 老婆】邊個先係 儲物狂 ?

 

因為「土地問題」,香港好多人都住喺蝸居,就算係結婚生仔之後嘅小家庭,往往都只能逼喺百零二百呎嘅實用面積之中。咁嘅情況之下,家中嘅儲物空間可謂捉襟見肘,如果家庭成員中仲有一個係 儲物狂 ,佢嘅收藏品塞滿屋……咁點算?

 

老公係儲物狂?

一般講到「儲物狂」,好多時大家都會諗起一啲「宅男」,或者所謂大唔透嘅男士。所謂「男人的浪漫」,會呈現喺佢哋嘅不同收藏品之中。有啲男士會收藏CD、影碟甚至黑膠碟;有啲就會狂儲模型、機械人、Figure等等(男人愛高達,女人唔明白)。有啲儲Game、有啲儲波鞋、有啲儲舊物,仲有各類型正經正路亦有離奇古怪嘅收藏,真係不能盡錄,每一樣都係學問嚟㗎!

有日,當呢啲男士成家立室,成為咗人哋老公後,就會開始被另一半投訴:明明啲影碟、模型、玩具全部都未開封只喺度封塵,做乜要霸住晒啲位?第時仲要搵位放BB床!啲嘢鋪晒塵會影響BB健康㗎!快啲同我扔晒佢!你唔扔我會幫你扔!

相關閱讀:【 儲物狂 不是 收藏家 】8條問題自我測試是否有 囤積病

 

老婆係儲物狂?

於是乎,男士們就會反擊,皆因老婆們其實亦有其儲物狂的一面,不過所儲嘅係好唔同嘅物品:手袋、鞋、化妝品……

其實,除咗以上幾種正路女性收藏品之外,好多老婆都一樣係「宅女」,佢哋會儲:卡通精品、明星物品、水晶寶石、砂煲罌罉……其狂熱程度同男士們絕對有得揮㗎!

所以調番轉,男士們亦會投訴:幾十對鞋邊度會著得晒呀!同一款煲買咁多隻色把鬼咩!你張化妝枱簡直係個垃圾堆呀!……

相關閱讀:【女士們必讀】收納整理5部曲,令 化妝枱 重見天日!

 

共同面對,積極處理

無論家中老公定老婆係儲物狂,定係兩位都係,想好好處理問題,第一件事要記住:絕對不要私自扔掉對方的物品!咁樣兩人只會反面,令衝突惡化。

以下係一啲解決問題小貼士:

1)想對方清理,先自行清理:唔好只睇到對方眼中刺,而忽視自己眼中樑木。與其逼對方清理過多的收藏品,不如先處理自己藏品。自己先行一步,對方就會願意都行一步。

2)互相協調,騰出空間:如果屋企有額外空間需要(如準備生BB),夫婦雙方應互相協調,共同商討點樣一齊騰出空間,而非單方面要對方騰出空間。因為呢件係共同事,雙方都應有付出同參與。

3)接受轉變,釐清優先:男女雙方喺結婚之後,身分同責任都有轉變;而當他日有孩子出世,呢個轉變就更大。到底BB重要定係模型重要?作為父母應該要懂得取捨。

4)租用額外儲存空間:蝸居問題唔係一時三刻可以解決到,想搬更大間屋需要時間同金錢。想馬上有額外儲物空間,權宜之計係租用迷你倉或使用迷你箱服務。入箱/入倉嘅物品,亦應該同時包括夫婦雙方嘅物品,而唔係得一個人去處理。

 

講到額外儲存空間,咁就不妨搵Boxful幫你手!無論你需要迷你倉服務,定係更彈性嘅迷你箱,Boxful都可滿足到你嘅需要!

即搵Boxful幫手

——

延伸閱讀:【搬屋收納必用】各式 儲物膠箱 大比併

延伸閱讀:【人生有幾多個十年?】踏入不同階段的不同 儲存需要

緊貼Boxful BlogFacebook Page,獲取更多家居生活貼士!

One comment Add yours

Leave a Reply

Your email address will not be published. Required fields are marked *