Blog 首頁 全部文章 【狗奴貓奴注意】 寵物家居 的清潔與收納貼士

【狗奴貓奴注意】 寵物家居 的清潔與收納貼士

Minger

如果你屋企有養貓貓狗狗等毛孩做寵物,咁你就要特別注意家居衛生同收納方案。家居衛生情況,會直接影響寵物同家人嘅健康,而佢哋毛髮嘅處理亦往往係一件煩惱事。另外,點樣收納寵物嘅食物、玩具、用品等,可以令 寵物家居 保持整潔?大家一齊嚟研究下!

 

貼士1:用膠紙清除毛髮

若果你家居有貓狗,就會發現好多地方都會累積毛髮難以清除。例如音響組合同電視機嘅喇叭位置,上面有布網或小孔,就算用吸塵機都未必吸得清。你可以先用牙刷掃走外層嘅毛髮,然後再用膠紙反覆黏走毛髮。

 

貼士2:用絲襪掃地

如果你用普通掃把掃地,寵物嘅係會黐喺掃把上,喺末端捲成一團團咁。有個好方法係用唔要嘅絲襪,套喺掃把前端,套住嚟掃地,咁啲毛髮就會黏喺絲襪上,掃完即棄,方便衛生。

 

貼士3:寵物毛髮清潔滾輪及海綿

市面上有出售一啲清潔寵物毛髮專用嘅黏貼滾輪,最有效用於清除地毯、沙發、地板以至衣物上嘅毛髮。呢樣產品可謂寵物家居必備,尤其當有客人到訪,當佢哋離開時提供俾佢哋清理一下衣物上黏到嘅狗毛貓毛,實在係貼心措拖。

另外亦有一種寵物毛髮清理海綿,可用於地毯、沙發、織品、皮革上,能輕易將毛髮掃成團狀,非常方便。

 

貼士4:梳打粉去除尿漬臭味

貓貓狗狗喺地毯或沙發上唔小心屙咗尿,千祈唔好發火!佢哋唔想嘅……想徹底去除尿清尿味,先用廚房用紙吸走尿液,在有尿漬處灑上梳打粉,等一段時間之後,用牙刷輕刷地毯或沙發,然後用吸塵機吸清梳打粉。如果仲有尿漬或尿味,就用稀釋咗嘅中性清潔劑或白醋水以抹布拭擦,再用清水拭淨。

 

貼士5:稀釋漂白水清除異味

好多寵物家居都會有一陣「狗味」、「貓味」,寵物主人本身可能習慣咗唔察覺。如果你嘅貓狗成日喺室內亂咁大小便,就更容易有陣味。建議你經常用稀釋咗嘅漂白水拖地同抹家具。如果唔鍾意用漂白水,市面上亦有其他選擇,如對動物無害嘅清潔劑、環保酵素等等。

 

貼士6:寵物食品雜物收納專區

寵物用品可以有好多,除咗主糧、零食、藥物之外,仲有玩具、清潔用品、梳毛用品、貓砂、狗帶等等。咁多立雜嘢,當然唔好四圍亂放,要集中喺家居一個專區收納。最理想係用一個有櫃桶嘅多層收納櫃,可同時收納一包包嘅狗糧貓糧,亦有不同櫃桶去放置各種用具。緊記收納櫃要保持乾爽,糧食開封後亦要保持封口。

 

溫馨提示:家中有寵物自然想有更多空間俾佢哋享用,同時家中亦唔適合有太多雜物堆積。如果你需要額外空間去擺放家中雜物,Boxful可以幫到你!無論你只係需要一個箱嘅額外空間,抑或你需要多個儲物房,Boxful唔同嘅Plan總有一樣啱你用,即刻睇睇啦!

即按了解Boxful服務

——

延伸閱讀:【巴打必讀】模型 Figure 玩具 の保養及收藏貼士

延伸閱讀:【 蝸居 實用攻略】令家居有更大空間感的12個貼士

緊貼Boxful BlogFacebook Page,獲取更多家居生活貼士!

更多相關文章