Blog 首頁 全部文章 【2018年最新出版】關於家居收納的 10本好書

【2018年最新出版】關於家居收納的 10本好書

Minger
【2018年最新出版】關於家居收納的 10本好書

一年一度嘅香港書展就快開鑼,其實書展都同家居收納有好大關係㗎!點解?因為好多人趁每年書展係咁掃平書,一堆一堆書咁買晒返屋企,然後發覺書架早就滿晒,於是好多書本就四圍擺放、鋪塵,成為書牆、書山……但係從好嘅方面去睇,其實有不少好書係教大家做好家居收納㗎!以下係Boxful為大家推介2018年度關於家居收納嘅 10本好書 ,去開書展不妨留意下!

 

1)《零雜物!日本收納達人の極速整理法

作者:宇高有香

譯者:林格

出版社:平凡文化

出版日:2018年7月

作者宇高有香係日本超人氣家居規劃師主張「自宅能量」,提議透過收納和室內裝潢,打造「自宅」源源不絕的能量空間。佢認為,收納終極目的係「令自己和家人感到舒適的空間」,整理只係達成目的「手段」。佢俾大家嘅四大貼士係:

貼士1:首先,從「規劃(整理思緒)」開始。

貼士2:整理,「選擇(留下)對自己來說必要嘅物品」,唔需要的東西選擇「放手」。

貼士3:收納,就係將貼士2留下嘅物品,搵地方擺放。

貼士4:貼士 1至貼士3係打造生活基礎。之後,就要整頓(調整外觀)、整理(就定位置)養成為每日生活習慣。

2)《戀家日常「愛用品」書

作者:生活倡議編輯部

譯者:邱喜麗

出版社:野人文化

出版日:2018年6月

本書網羅咗20位日本及台灣人氣Lifestyle Instagramer,一探佢哋衣、食、家居,及愛用生活用品,從而學習到關於品味生活嘅重點,例如:物品選購原則,降低衝動性購買機率;家居收納同布置技巧;藉喜愛之物,打造出屬於自己舒適寫意日常風景。

 

3)《選擇住在小房子

作者:加藤郷子

譯者:游韻馨

出版社:采實文化

出版日:2018年5月

間屋大啲,就會冇咁亂?可以放多好多嘢?日子過得更舒適?真係咁樣嗎?本書作者加藤郷子卻認為:住細屋,生活反而更幸福!佢以8個日本小住宅實例,打破一般人覺得「細 = 擁擠 = 不幸福」印象,與大家分享住喺細屋入面快樂哲學。

 

4)《超簡單整理收納術,讓家煥然一新!

作者:于之琳

出版社:日日學

出版日:2018年5月

于之琳係台灣人氣收納魔法師,最擅長「口袋摺衫術」。此書除咗教大家各式衣物嘅摺疊法之外,又教大家整理衣櫃、銀包、書籍、照片、紀念品……全屋兼顧,令人由「厭家」變成「戀家」!佢收納重點,係強調整理並非一直棄置物品,而係由帶適合嘅物品回家開始,令生活更愜意。

 

5)衣櫥減法:喚醒輕盈的自己

作者:陳麗卿

出版社:時報文化

出版日:2018年5月

呢本書作者陳麗卿係知名形象管理顧問,關於形象同衣著嘅著作有超過20本。佢嘅心得係好形象唔代表要擁有好多衫,大家經常著上身嘅衫只佔衣櫃中20%,其餘80%都係浪費!佢會教你睇清你「想要」與「不要」,如何斷捨離過多衣物與擠逼衣櫃。書中有完整衣櫃整理技巧,讓衣物篩選、處理、分類、收納變得輕鬆簡單;同時以創新「Dress Flow」法則,令衣櫃永遠保持最佳狀態。

 

6)無印良品的收納魔法

作者:主婦之友社

譯者:林琬清

出版社:台灣東販

出版日:2018年3月

「無印良品」極簡單又時尚設計,無論係運用於家居、辦公室,都即時展現出俐落的美感,所以一直好受歡迎。但點樣先至可以將「無印良品」嘅商品利用得最好?書中7位家居收納專家,完美示範點樣發揮「無印良品」嘅特性,並提升美感同生活機能,無論你屋企幾細、雜物有幾多,都可以整理到靚一靚!

 

7)地表最強!宅宅專用收納術

作者:玄光社

譯者:林農凱

出版社:楓書坊文化

出版日:2018年3月

你係「宅男宅女」?你係收集狂?咁呢本書就係為你而設!除咗收集之外,展示都好重要,點樣令你家居成為最佳嘅展示舞台?書中有12種不同類型嘅周邊收納技巧,由Figure、模型、漫畫、襟章、紀念品,以至浴巾、攬枕,都一一教你點樣整理收納,以及教你點樣用DIY展示裝置去Show Off你嘅珍藏!淨係睇啲專家示範都令人熱血沸騰!

 

8)高效清潔收納術

作者:潔客幫

出版社:台灣東販

出版日:2018年2月

「潔客幫」成立於 2014年9月,係台灣一家結合網絡、數據分析、家務專業技術O2O家居清潔公司。用家可以透過網頁、手機App快速落柯打,再由專人上門為你清潔打掃。咁專業嘅團隊,自然有好多家居清潔心得同貼士!呢本書就係「潔客幫」分析咗大量清潔收納案例,配合長期累積經驗,為讀者提供最完整打掃收納步驟與知識,由解釋清潔工具、清潔用品,到介紹清潔收納技巧,以至提供慳錢慳力打掃貼士等,絕對係一本寶典!

 

9)跟巴黎人學收納

作者:本多さおり

出版社:尖端

出版日:2017年12月

本多さおり(Honda Saori)係日本人氣收納諮詢顧問,其家居著作十分暢銷,主張以客戶生活方式與個性為第一優先考慮,提出不用勉強自己都可以輕鬆收納方案。呢本書佢透過參觀巴黎女性房間,針對其收納重點加以解說,以實際案例讓讀者更加了解家居擺設重點。實例中利用了不少Ikea、無印良品以及北歐風嘅雜貨,吸睛之餘,其實大家亦可在自己家中實現。

 

10)日本人妻邊惠玉教你幸福生活秘技244招

作者:邊惠玉

出版社:悅知文化

出版日:2017年12月

邊惠玉係韓國知名美容Blogger,嫁到日本做人妻後,變身萬能主婦,成為廚藝專家、家事達人。佢努力搜集日韓各種持家術,親身實證後,嚴選出日韓主婦一致流淚推薦,最慳錢、最慳時間家務秘笈!一本書齊集二百多種生活小秘技,令從來唔做家務嘅讀者都可以馬上上手!

 

 

 

 

 

講到家居收納,你或會需要額外儲存空間,記得Boxful可以幫到你手!無論你需要迷你倉服務,定係更彈性嘅迷你箱,Boxful都可滿足到你嘅需要!

即搵Boxful幫手

——

延伸閱讀:【老公 Vs 老婆】邊個先係 儲物狂 ?

延伸閱讀:【人生有幾多個十年?】踏入不同階段的不同 儲存需要

緊貼Boxful BlogFacebook Page,獲取更多家居生活貼士!

更多相關文章