【迎接2020】八大 迷你倉 新聞2019

2020年伊始,新一年新氣象,大家要準備好執拾家居,去舊迎新,以最好的狀態迎接全新一年的挑戰!睇番2019年, 迷你倉 行業亦有不少挑戰,Boxful就同大家回顧一下,並從中汲取一啲經驗。

 

1)電話亭變成「迷你倉」?

本港部分電話亭被人堆放雜物,尤如「迷你倉」。當中尖沙咀天星碼頭一帶的電話亭內,掛滿大大小小的環保袋,並經常有派發宣傳單張的職員以電話亭擺放單張及雜物,並無人理會。

Boxful短評:呢單新聞同迷你倉冇直接關係,不過都反映咗香港真係寸金尺土,搵個位放下雜物都好難,連電話亭都唔放過!

 

2)迷你倉大火後近四分一停運 市面600間七成仍未達消防標準

自2016年牛頭角迷你倉四級火後,據消防處截至2019年4月底數字,當局在865間迷你倉發現3,015項火警危險,並向其負責人發出「消除火警危險通知書」,當中近60%(1,795項)火警危險已消除,已完全遵辦所有通知書的迷你倉共有122間。

市面上約有600多間迷你倉營運;換言之,有約四分一迷你倉已停運。600間當中,有167間(27%)符合相關消防規例;有462間獲發「通知書」而未完全遵辦要求,當中約300間正按要求進行改善工程。

Boxful短評:選擇迷你倉,首要考慮係安全。大家有冇諗過,原來城中仲有7成迷你倉係未符合消防處嘅安全標準?所以當你租用時,真係要了解清楚嗰間迷你倉究竟係咪達到消防標準。

 

3)迷你倉失竊名貴單車 疑賊人自格頂下手

2019年6月,青衣一間迷你倉發生盜竊事件,單車發燒友寄放在倉內兩輛名貴單車(共值約4萬元)不翼而飛,當中包括一輛有「登山車界勞斯萊斯」之稱、價值3.5萬元的Nicolai Helius AC 650b越野單車。警方指,該迷你倉一連兩日發生盜竊案,共5輛單車被偷走,共值近9萬元。

涉事迷你倉約有60格約2米高的儲存格,格頂為鐵絲網。被盜竊單車的儲存格門鎖並無撬毀痕跡,但格頂鐵絲網卻失蹤,疑賊人自格頂移除鐵絲網吊走單車。

Boxful短評:出事嘅迷你倉有晒所有保安設備,但一樣都被賊人有機可乘,拆走格頂鐵絲網下手。呢啲就係所謂「道高一尺,魔高一丈」。呢件事提醒咗大家,要留意埋儲存格嘅格頂是否穩陣。此外,24小時都可以俾人出入嘅迷你倉雖然係方便,但其實亦係有一定隱藏風險。

 

4)迷你倉變「私煙倉」

2019年9月,海關搗破粉嶺一個迷你倉,起出110萬支私煙,市值約300萬元,並拘捕兩名非本地男子。是次案件是首次發現走私集團以郵遞方式走私香煙,寄往澳洲等地。

Boxful短評:都係一句,迷你倉係唔應該利用作非法用途;唔好以為啲嘢收喺迷你倉就冇人知,一樣會東窗事發!

 

5)持續社會動盪 迷你倉需求有變

本港反修例風波觸發的社會動盪持續多月,令本地迷你倉市場需求亦出現變化。來自本港居民搬屋、裝修或放置收藏品的需求明顯減少;但另一方面,卻多了居港外國人因暫時離港而需要租用地方暫放家具物品,以及本港公司暫時結業需要儲存物品的需求。

Boxful短評:迷你倉其實真係有好多不同嘅用途同客路,除咗本港居民有極大需求之外,近年亦多咗外國取港人士租用。雖然2019年香港經濟受挫,但係迷你倉整體上仍然係供不應求。

 

6)反對新消防規定 迷你倉營運商提司法覆核被拒

消防處於2016年牛頭角迷你倉大火後,加強規管迷你倉。但有一迷你倉營運商提出司法覆核,認為新規定不合理和無效防火(如要求有窗戶的外牆)。

高等法院於12月19日頒下判詞,認為新規定合理,並指和申請人在同一大廈的另5間迷你倉,已遵照處方的通知書作出相類改動,顯示處方的要求在技術上是可行,故拒絕批出司法覆核許可。而另一間迷你倉營運商亦就新規定提出司法覆核,將於今年5月開審。

Boxful短評:其實有乜好拗?消防處訂咗啲規矩出來,其目的只係為咗保障市民安全、防止再有迷你倉大火嘅悲劇發生。作為營運者,就有責任去做足消防局要求,亦係對客戶盡上責任。作為消費者,大家不妨留意係邊啲營運商申請司法覆核,選用迷你倉時考慮清楚係咪會選用佢哋。

 

7)迷你倉涉藏煙霧餅 警拘18歲學生

12月24日警方接獲線報,突擊搜查觀塘鴻圖道迷你倉,檢取了半公斤爆炸品,包括10個懷疑煙霧餅及一批化學物品,當中有些屬於高易燃性的氧化劑級別,對迷你倉構成一定危險。警方以涉嫌藏有爆炸品拘捕一名18歲報稱學生的本地男子。

Boxful短評:用迷你倉儲存化學物品同爆炸品,係極之不負責任同危害社會嘅行為。作為消費者,我哋好難知道迷你倉隔籬左右儲存咗啲乜嘢,但至少我哋應確保自己唔好儲存啲危險物品,以免引起災禍及悲劇。

 

8)「迷你箱」領導者Boxful 再創「自助迷你倉」新風尚

於香港率先開拓「迷你箱」服務市場的Boxful,於2019年致力為顧客提供更多元化服務,發展「自助迷你倉」,讓傳統迷你倉用家有多一個優質選擇。2019年Boxful已分別在香港仔、觀塘、牛頭角、葵涌開設「自助迷你倉」,預計2020年啟用的全新「自助迷你倉」將座落荔枝角、炮台山、太古、柴灣等區。

Boxful短評:敬請期待!

 

迷你倉新聞多多,有負面新聞亦有正面消息。但對於一般消費者嚟講,最緊要都係因應自己嘅儲存需要,選擇有信譽嘅公司,選用最適合自己嘅服務。如果你唔肯定自己需要點樣嘅儲存服務,或者Boxful可以幫到你!Boxful嘅儲存費用可以係逐個箱計,用幾多俾幾多!同時亦有按面積計算嘅迷你倉服務,悉隨尊便!而且以上兩者都係有專人上門幫你搬貨入倉,省卻不少麻煩。而家Boxful仲有埋俾顧客自己進行儲存嘅「自助迷你倉」,令你有更彈性選擇!

即搵Boxful幫手

——

延伸閱讀:【移民潮再起】善用迷你倉, 移民 唔使搬清光

延伸閱讀:【儲存攻略】想節省 家居空間 ?應考慮存放入倉的幾類物品

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *