【儲存攻略】想節省 家居空間 ?應考慮存放入倉的幾類物品

好多香港人已經租緊迷你倉或者用緊好似 Boxful 呢類儲存服務,去存放家中一啲雜物,例如換季衣物、舊書舊文件、過時擺設等等。其實,如果你再仔細諗諗,你家中可能仲有以下呢幾類物品,都可以一併存入倉內,為你進一步節省 家居空間 !

 

1)舊照片/相簿

而家個個人嘅相簿都喺手機內、電腦內或者雲端上,但係你屋企好可能仍然有不少以前留下來嘅實體相簿,以及一疊疊嘅舊照片,好耐唔耐先會有機會攞出嚟睇下,平時就塞喺一角,長期霸佔住不少空間。只要你的起心肝,用少少時間「處理」咗啲相片,就會為你騰出不少空間!「處理」嘅意思,唔係叫你好無情咁丟晒佢哋,而係揀一啲重要嘅相片掃瞄成數碼檔存入電腦,既可以有多一個備份、方便重溫,而實體嘅相片同相簿就可以入倉,真係可以為你屋企慳番唔少位!

 

2)孩子舊物品

如果你屋企嘅小朋友已經大個咗,例如入咗中學,咁佢哋啲兒時物品好多都不用留低。當然,有部分物品係好有紀念性,你都會想保存住嗰份回憶:幼稚園第一套校服、小學嘅作文簿、最愛嘅公仔、運動會嘅獎牌,甚至係哋佢甩嘅第一隻牙……Keep下Keep下,都可能數以箱計!呢啲物品,值得保存,但應該存入倉內,無謂佔據家居空間,等到他日適當時候,可以一次過送番俾你嘅子女,將會係好有意義嘅禮物。

 

3)親人遺物

有親人過世係一件傷心事,而處理佢哋嘅遺物亦唔係一件簡單事。當中有啲個人物品固然應該銷毁,但亦有啲物品可能家人們都想保留,但又未必想放置喺屋企。呢種情況之下,存倉係一個好方法。除咗可以節省家居空間,亦唔使令大家成日睹物思人而過度悲傷。

 

4)畫作/藝術品

也許你收過一啲較大型嘅藝術品禮物,可能係一幅裝咗框嘅畫作、海報,甚至係立體嘅雕塑、擺設,但係目前你嘅家居又未有適當位置擺放、展示,好多人就會求其將之塞埋一二角,例如床下底、櫃邊,其實咁樣相當不智。一旦你家居太潮濕,就好有可能損壞咗呢啲咁珍貴嘅藝術品。你應該將佢哋包裝好、存倉,喺有廿四小時嚴格溫度及濕度調控嘅倉庫中,佢哋會得到最佳嘅保護。

 

5)節日用品

好似聖誕節、農曆新年呢啲大節日,甚至乎中秋節、萬聖節等,都有好多節日用品,諸如裝飾物、用具、彩燈、衣物、道具等,我哋喺節日完後經常亂塞一角,有啲其實相當嘥位(好似聖誕樹咁)。一年後想搵番出來用,往往因為保存得唔好而用唔番(積塵、發霉)。如果你將佢哋存放入倉,不但節省家居空間,又可以保存得好好,每年攞出來循環再用,唔使年年都買新。

延伸閱讀:節日用品阻地方,「一節一箱」幫到你!

 

溫馨提示:如果你需要額外空間妥善咁收藏以上相關物品,Boxful可以幫到你喎!無論你只係需要一個箱嘅額外空間,抑或你需要多個儲物房,Boxful唔同嘅Plan總有一樣啱你用,即刻睇睇啦!

即按了解Boxful服務

——

延伸閱讀:【巴打必讀】模型 Figure 玩具 の保養及收藏貼士

延伸閱讀:【蝸居實用攻略】令家居有更大空間感的12個貼士

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *