【儲存攻略】我選用 儲存箱 而不用迷你倉的5個原因

因為香港寸金尺土,家居空間有限,為咗優化居住環境,大家已經接受咗另行租用額外空間去儲存物品嘅生活模式,因而迷你倉亦開到成行成市。但係諗真啲,迷你倉未必適合每個人嘅需要,好似筆者咁,經過深思熟慮、市場比較,最後都係決定租用 儲存箱 (或稱「迷你箱」)嘅服務而唔租迷你倉。點解呢?主要係有以下幾個原因:

1)雜物數量唔算好多

唔係每個人都會有好多好多雜物需要儲存。好似筆者咁,最近的起心肝執屋,清走部分不再保留嘅物品之餘,亦有若干舊物覺得有需要留低,數量大約係3、4個紙皮箱左右,真係唔算多。呢幾箱嘢,堆喺屋企固然好阻定又礙眼,但特登去租個迷你倉存放,又好似真係冇乜必要。反而儲存箱以箱為單位,按儲存量收費,反而就好適合我嘅情況。

2)無謂多付租金

其實而家租個迷你倉一啲都唔平,你想搵到有月租$500以下都相當難;就算有,因為$500以下肯定係最細嘅倉,呢類「細單位」長期供不應求,並唔係咁容易俾你租到。如果要租中倉、大倉,租金去到近4位數字甚至過千元,好似我咁得嗰3、4箱嘢嘅情況,真係完全冇必要,只會浪費租金。如果我租儲存箱,以Boxful為例標準儲存箱每月費用係$49,我存放4箱嘢都只係$200有找,實在划算好多,最重要係夠實際,唔使白白付出多餘租金亦唔使白佔人哋空間。

相關閱讀:【迷你倉租金年年急升】各區 迷你倉價錢 大比併

3)搵迷你倉好煩惱

如果你好似筆者咁,有搵過迷你倉嘅經驗,就知道過程都幾煩。首先你梗係想搵最就近屋企嘅迷你倉啦,但係邊有咁理想?就算有,迷你倉都會話你知已經滿晒,或者只剩下幾個大倉。結果為咗要搵個細倉,就要跨區去搵去睇。有啲睇完你都唔開胃,例如位於殘舊工廈、多閒雜人出入,令人好唔安心。有啲裝修靚靚、設備先進,不過價錢就……反而,租用儲存箱就完全冇呢啲煩惱,基本上我可以足不出戶,就搞掂晒!

4)自行入倉費時費力

講到足不出戶,儲存箱服務就有呢樣好,有專人上門俾箱你,然後又有專人上門收箱,幫你搬運入倉;日後想攞番啲箱,又係有專人送番上門。而且呢一切,可以透過電話或手機App做晒登記、預約、付款,輕輕鬆鬆冇難度,最適合我哋呢啲咁忙嘅人。如果租迷你倉,要自己安排、搬運啲物品入倉,搞一搞就冇咗半日,仲要搞到自己身水身汗,真係好費時失事。

5)百分百安心

近年關於迷你倉負面新聞都幾多,除咗迷你倉本身嘅安全問題惹人關注之外,亦有不良分子利用迷你倉存放不法物品,搞到啲迷你倉烏煙瘴氣咁。作為守法市民,只係想自己嘅物品存放喺令人安心嘅地方啫,真係唔想自己嘅物品會有無妄之災。相比之下,儲存箱服務會令人覺得安心好多。好似Boxful咁,啲儲存箱係存放喺備有嚴格保安嘅自設倉庫,且有溫度、濕度調控,防火防盜甚至防蟲都做到足,而倉庫只有職員先可以出入;再者,Boxful仲提供埋免費保險,真係加倍安心。

 

講到尾,對於一般消費者嚟講,最緊要都係因應自己嘅儲存需要,選擇有信譽嘅公司,選用最適合自己嘅服務。如果你唔肯定自己需要點樣嘅儲存服務,或者Boxful可以幫到你!Boxful嘅儲存費用可以係逐個箱計,用幾多俾幾多!同時亦有按面積計算嘅迷你倉服務,悉隨尊便!而且以上兩者都係有專人上門幫你搬貨入倉,省卻不少麻煩。而家Boxful仲有埋俾顧客自己進行儲存嘅自助提存倉,令你有更彈性選擇!

即搵Boxful幫手

——

延伸閱讀:【我的 迷你倉 血淚史】4大迷你倉煩惱

延伸閱讀:【點只得一個箱?】 Boxful 三大類型服務睇真啲!

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *