冬去春來，近日氣溫回暖，表示潮濕天氣快將來臨， 抽濕機 又係時候準備出動了！早前消委會測試了市面上14款抽濕機，究竟邊款最抽得？購買抽濕又要注意啲乜？
最抽得抽濕機之選
消委會今次測試咗14款抽濕機，其中13款為較普及嘅壓縮式抽濕機，只有一款係熱石式抽濕機。（關於抽濕機嘅分類，可參看另文：家用抽濕機選購攻略）。
測試報告指出，抽濕量介乎17升至20升嘅壓縮式型號中，KDK GCM33H嘅總評分有4.5星（5星為最高），其能源效率亦表現優異，而且抽濕速度較快，在標準環境下量得嘅每日抽濕量超過18公升之多，成為咗今次測試嘅整體表現最佳者。
而喺抽濕量15升以下嘅型號，三菱電機MJ-E130A L-H、日立RD-250EX同惠而浦DS240NT等三者整體表現也不俗，量得抽濕量與抽濕量相稱。惠而浦DS240NT量得嘅每日抽濕量，較聲稱每日抽濕量高出3.9%，係所有樣本中表現最好。
測試卻發現當中有數款型號，喺廠商採用嘅測試環境下量得嘅抽濕量比聲稱低，其中德國寶DHM-620、德爾DD2161及De’Longhi DEX 16F，量得每日抽濕量比其聲稱嘅數值分別低16%、19.2%及27.4%。而消委會進一步測試，將伊瑪牌IDH-34L及De’Longhi DEX 16F置於32°C及相對濕度80%下進行測量，量得每日抽濕量比其聲稱的數值分別低約13.7%及34.8%。消委會已將以上結果轉交海關跟進。
消委會提供：選購抽濕機小貼士
1）每日抽濕量
參考產品上能源標籤標示稱數據，每日抽濕量數值愈大，即抽濕速度愈高。如家居面積較大或環境較潮濕，宜選購抽濕量較高型號。但注意廠商測試環境與實際環境不同，實際效能跟聲稱嘅會有差異。
2）能源效率
消委會推算各型號抽濕機每年所花電費（以一年使用450小時，每度電$1.2計算），結果由$94至$218不等。但注意，電費低並不表示能源效率高，乃須以抽濕量及用電量去計出每度電可抽水多少公升，才是能源效率。大家可以參考產品上嘅能源標籤，以1級為能源效率最高。
3）操作噪音
消委會量度咗各型號抽濕機喺最高及最低風速時發出嘅噪音，其中以LG RD17GQGD1、法國特福DU4120G0、聲寶牌DW-D20A-W及De’longhai 16F嘅噪音較低。
4）使用方便度
大家亦須留意抽濕機嘅體積、重量及設計，是否方便使用。太重太大嘅型號不方便移動，但有些附設有輪子則可改善此問題。有些型號附送延伸水管，可方便為衣櫃及鞋子抽濕。而有定時關機功能嘅型號，會較安全及慳電。
減少家中雜物
香港天氣潮濕，所以一旦家中堆滿雜物，就好容易滋生霉菌，影響家居衛生及家人健康。所以除咗要用抽濕機保持家中乾爽之外，減少在家中堆放雜物亦相當重要。
建議大家，可以將平日甚少用甚但又不想捨棄的雜物，裝箱另外儲存，咁樣做仲可以增加你家居室內空間添！不妨考慮用迷你箱的方式存放，即刻搵Boxful幫手！
——
延伸閱讀：【搬屋收納必用】各式 儲物膠箱 大比併
延伸閱讀：馬上學習德國人「無意識打掃法」15式
緊貼Boxful Blog同Facebook Page，獲取更多家居生活貼士！