【過年 大掃除 ,唔想臨急抱佛腳?】馬上學習德國人「無意識打掃法」15式

農曆歲晚又臨近,係咪一諗起要準備大掃除就開始頭痛呢?其實唔想年年都臨急抱佛腳到年尾先一次過收拾打掃,大家好應該平日就養成好習慣,盡量保持家居清潔整齊,咁就冇所謂「大掃除」嘅必要。Boxful就為你介紹德國人流行嘅「無意識打掃法」,你掌握之後,都可以在「無意識」之下就「打掃」咗家居!

話說,德國人都響應「無意識打掃法」,即係隨手都準備一條毛巾,無意識咁令居住環境維持適度清潔。「無意識打掃法」基本原則,就係趁住「看不見的汙垢」仲未變成「看得見的污垢」之前,就馬上處理。以下15招就係一啲實用例子,有啲雖然唔係同打掃有直接關係,但都係一啲令個人生活簡單整潔嘅好習慣

1)家中房門要全部打開

首先,不建議喺家中大門及房間門把手上掛有任何物品,門口附近亦盡量唔好擺放櫥櫃或雜物等,要讓房門保持在可以完全打開狀態,咁樣會顯得房間更寛敞整潔。就算冇人喺屋企時,建議所有房門都維持半開狀態,空氣流通可以防止灰塵囤積喺房間裏面。

2)地板上不要放雜物

好多人都有將雜物堆放喺房間地板上習慣。其實,無論家中地板係乜嘢材料,地上都唔應該擺放過多物品。德國諺語有云:「地板髒亂,就儲不了錢。」

3)房間中央不要擺放大型家具

大型家具,如電器或枱應該放置喺房間角落,咁就唔會有空間壓逼感。另外,房間應襯以散發柔和光線燈飾,加上較舒適椅子或沙發,營造舒服氣氛。

4)朝早一起床就要開窗

要養成一個習慣,就係每日朝早一起床,就打開房間窗戶,為房間換氣之餘自己又可以作深呼吸,令自己精神煥發咁展開新一天。

5)餐枱上要保持清爽

餐枱係用餐進食地方,如果枱上擺滿太多瓶瓶罐罐、調味料、茶具甚至雜物,紊亂不堪之餘更會影響食慾。最好只擺放一些鮮花或少許裝飾品,用餐後要擦拭亦較容易。

6)物品用完即歸回原處

用過物品一定要即時就放回原處,唔好養成隨手亂放壞習慣。呢個好習慣我哋自細就曉得,但就唔係人人都做得到。

7)物件跌在地,馬上執番起

好多時,一些小物件跌到地上後,我哋都會懶得執起來,尤其係跌咗去床下底、沙發邊、書枱底之類,久而久之呢啲地方就會累積成為垃圾溫床。

8)櫃門要常常關好

無論係衣櫃、鞋櫃、櫥櫃或雜物櫃門,只要開過之後就要緊記關妥。

9)電器損壞要盡快維修

當家中嘅大小電器,如風筒、雪櫃、風扇等壞了,記得及時修理。同時,小電器如鬧鐘、遙控器冇電,亦要盡快換電。因為一件損壞嘅電器一直拖延唔修理,等於令家中多一件廢物,久而久之甚至變成沒法修理的垃圾。

10)污糟咗嘅物品要順手清理

好多人都唔慣即時清理,例如剛用完嘅杯杯碟碟唔會想即刻洗,硬係要放一陣甚至隔幾日。但其實順手清理係成功擺脫髒亂最好習慣!

11)將待辦事項記低

養成隨手記事習慣,將每日要做事、需要及時購買物品清單都寫低(或記喺智能手機中),事事有條理就會節省許多時間。

12)決定物品收納位置

每一件物品無論大小,都要有佢固定收納位置,而唔係隨意亂放,呢個就係整理嘅最基本之道。

13)以適當整潔為目標,而非追求完美無瑕

只需要把家居維持在適當的整潔程度,令家中裏裏外外看起來都光潔、整齊就可以。因為世事無完美,你冇可能令家居真的一塵不染。

14)一邊使用,一邊打掃

使用後工具或地方等,要記得順便清潔或打掃,這是最有效率嘅清理方法,省卻了下次再清理麻煩。

15)擦亮家中所有會反光物件

只要時常將家中鏡子、玻璃、金屬門把、地磚、水龍頭等會反光物件都搽得光潔明亮,就已經可令人有心曠神怡嘅感覺

 

只要將呢套「無意識打掃法」喺你嘅生活中實行,咁喺你不知不覺中,家居或辦公室都會整潔、整齊,到真正要大掃除時都只係家常便飯,唔會有好多額外粗重工夫要做,免去不少麻煩

當然,在處理雜物方面,也許你會需要額外儲存空間,咁就不妨搵Boxful幫你手!無論你需要迷你倉服務,定係更彈性迷你箱,Boxful都可滿足到你嘅需要

即搵 Boxful 幫手

——

延伸閱讀:【天寒地凍要保暖】家居 電暖爐 選購攻略

延伸閱讀:【客廳太細,唔夠位擺嘢?】4招幫你增加 客廳收納 空間

緊貼Boxful BlogFacebook Page獲取更多家居生活貼士!

發表回覆

你的電郵地址並不會被公開。 必要欄位標記為 *