【 迷你倉 用家注意】不應儲存入倉的各類物品

迷你箱、 迷你倉 等儲存服務喺香港已然普及,好多用家都習慣咗執拾家居之後,將未能捨棄但又不想佔據空間嘅種種物品,一併存倉,眼不見為淨。但Boxful提提大家,並非所有物品都適合存放在迷你倉——應該話,有啲物品係完全唔應該放入迷你倉!以下呢個清單,請迷你倉用家特別注意。

 

1)貴重物品

相當貴重、極之珍貴嘅物品,例如珠寶首飾、家傳之寶、高價藝術品、現金財物,以至係一啲世上唯一、失去咗就買唔番、對你無比重要嘅物品,都不建議用迷你倉作為儲存。雖然大部分迷你倉都有完善保安設施,喺大多數情況之下倉中物品都係安全嘅,但迷你倉始終唔係銀行保險庫,點都有少少風險。即使有啲迷你倉提供保險,但一般不可能賠償到貴重物品的金額。所以,當你存放任何物品入迷你倉時,要考慮你能否承受失去該些物品嘅損失。如需儲存上述貴重物品,應考慮放入銀行保險箱。

 

2)危險品/化學品/易燃品

一般迷你倉都會有規定,不得儲存危險品,例如易燃品、化學品等等,以保障迷你倉嘅安全。當年迷你倉大火已經俾咗香港人一個教訓,令政府加大力度監管迷你倉,亦令迷你倉經營者全面遵守消防條例,落實加強防火設施。但若果迷你倉用戶將危險品儲存其中,係極不負責任嘅行為,一旦發生意外,將危及整個迷你倉以至整幢大廈,後果不堪設想。

 

3)有限期物品

所謂有限期物品,可以分為兩種:有食用期限嘅食品/飲品/藥物/補品,或有使用期限嘅物品。

首先,基本上並不建議大家將食品/飲品儲存在迷你倉,因為食品一旦包裝破損引致發霉、腐爛,不但會發出異味,更會引來蟲鼠,影響衛生。如果真係有必要暫存一啲食品/飲品/藥物/補品,務必以密封包裝妥當,並注意其食用期限,記得喺佢哋到期之前取用,否則長放在倉被忘卻就會變成廢物,造成浪費。

至於有使用期限嘅物品亦一樣。舉例如最近熱門嘅口罩、衛生用品、乾電池等,都會有個「有效日期」或「最佳使用日期」。如果將佢哋長期儲存喺迷你倉,會好容易忘記咗個期限,到某日攞番出嚟時已過期,失去效用。因此,呢類物品都不建議大家存放入迷你倉。

 

4)有生命東西

有生命嘅動物或植物,都絕對唔應該存入迷你倉。雖然大家都有個「倉」字,千祈唔好喺你旅行期間將一籠倉鼠放入迷你倉,當係「寵物酒店」。就算係植物,都不適合放入倉。一盆唔使淋水嘅仙人掌,都絕對不適宜喺迷你倉生存,反而佢盆中泥土嘅各式生物細菌,會對倉中其他物品造成損害。

 

5)非法物品

年中都有不少新聞,關於警方或海關喺迷你倉檢獲非法物品,例如槍械、私煙、毒品等等。迷你倉乃係光明正大咁經營,千祈唔好以身試法,以為可以用迷你倉去收埋啲唔見得光嘅非法物品。

 

用迷你倉最緊要都係因應自己嘅儲存需要,選擇有信譽嘅公司,選用最適合自己嘅服務。如果你唔肯定自己需要點樣嘅儲存服務,或者Boxful可以幫到你!Boxful嘅儲存費用可以係逐個箱計,用幾多俾幾多!同時亦有按面積計算嘅上門迷你倉服務,悉隨尊便!而且以上兩者都係有專人上門幫你搬貨入倉,省卻不少麻煩。而家Boxful仲有埋俾顧客自己進行儲存嘅自助迷你倉,令你有更彈性選擇!

即搵Boxful幫手

——

延伸閱讀:【迷你倉攻略】租用及使用 迷你倉 注意事項(進階版)

延伸閱讀:【儲存攻略】我需要租用 迷你倉 嗎?

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *