【跟日本主婦學打掃】收納3招令 廚房 升級

打掃 廚房 ,向來都令人頭痛不已。一來廚房特別油膩,要清除廚房各處明暗位置嘅油漬污垢已經要花不少工夫與時間;二來廚房特別多砂煲罌罉,要洗已經煩,洗完仲要收好放好……所以廚房一向令人卻步,就連主婦都視打掃廚房為苦差!今次Boxful同大家向日本主婦學習,佢哋以3種收納小工具,就大大增加廚房空間,令收納更容易,廚房仲即時Upgrade添!

 

第1招:碗碟收納架

碗碟收納架在廚房不可或缺!睇下你廚房之中廚具,數量最多絕對係大大小小碟,大如餐碟、小至豉油碟,都可以好好利用碗碟架去收納。市面上出售碗碟架款式有好多,又有大有細,但建議你唔好買太大個,最好可以成個放入廚櫃,有助你啲碗碟收納整齊。

 

第2招:萬用儲物架

儲物架之所以「萬用」,因為佢哋唔單止可以用喺廚房,仲可以喺家中任何地方使用。如果你廚房有個比較闊落嘅廚櫃面,你日常處理食材、用砧板等一般只會用到2/3嘅面積,咁你就應該好好利用餘下嘅1/3面積,放置一個萬用儲物架,利好埋櫃面上方嘅空間做收納。建議你選用底層較高嘅2層儲物架,頂部用來放置常用嘅調味料、量杯等體積細少物品,中層可以用來放中型廚具,而底層就可以放大型廚具、刀具架等。

 

第3招:櫃桶收納箱

餐具(筷子、匙羮、刀叉等)嘅數具同碗碟一樣咁多,求求其其將佢哋放入櫃桶,撈到亂晒,下次要用就好唔方便。所以應該好好利用專門用來放入櫃桶嘅收納箱,幫你個櫃桶分成一格格,刀還刀、叉還叉、筷子還筷子……你仲可以叫小朋友幫手歸類收納,自小訓練佢哋養成好習慣!

 

以上3招十分簡單,但都係每位日本主婦會做嘅收納妙方,唔係乜嘢秘密。得閒去下日本公司嘅家居部(或者十二蚊店),你都會發現有好多呢類幫助廚房收納嘅小工具,不妨多啲試下!一個整齊乾淨嘅廚房,先會令人有心情煮餐靚飯呢!

 

在處理雜物方面,也許你會需要額外儲存空間,咁就不妨搵Boxful幫你手!無論你需要迷你倉服務,定係更彈性嘅迷你箱,Boxful都可滿足到你嘅需要!

即搵 Boxful 幫手

——

延伸閱讀:【女士們必讀】收納整理5部曲,令 化妝枱 重見天日!

延伸閱讀:【收納小貼士】 鞋櫃 唔夠大?女生創意收鞋大法

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *