【窗關閱讀】窗簾、紗窗、 百葉簾清潔 全攻略

提起家居清潔,一諗起個「窗」字大家都會好頭痛!抹窗洗窗本身已經係好惱人嘅工作,仲有同窗有關嘅種種周邊:窗簾、紗窗、 百葉簾 等等,全部都係清潔難題!就等Boxful一次過教曉大家,點樣輕鬆應付呢啲麻煩位啦!

 

窗簾

要清潔窗簾,大家即時諗到要先將窗簾拆落嚟,已經覺得好麻煩。洗完之後,點樣晾乾又係一大問題。甚至有啲窗簾質地係只可以手洗……唔係啩?點搞呀?

其實清潔窗簾可以唔使咁複雜,以下兩個簡單步驟,就可以清潔得好乾淨:

1)用吸塵機吸走灰塵。

2)用免水洗清潔劑或免水洗布藝清潔劑,以及濕紙巾重覆擦拭幾次。

就係咁簡單!唔使拆落嚟,唔使洗唔使晾,絕對OK!

 

百葉簾

百葉簾因為有幾十塊葉片,而每塊葉片上都會堆滿灰塵,所以清潔起上來特別麻煩。

如果你屋企有燒烤夾,可以試下喺夾子兩端各捲上一塊抹布,在抹布上噴啲清潔劑,咁就可以好輕鬆咁清潔百葉簾。

當然,市面上都有好多專為清潔百葉簾而推出嘅小工具,原理都一樣,大家不妨可以買來試試。

 

紗窗

提到紗窗(或防蚊網)清潔自然就最煩惱,拆落嚟又要裝番上去,十分費時失事。

有個秘技:可以用舊報紙濕少少水,貼喺紗窗背面,大約5分鐘之後,將報紙搣走,咁樣就已經可以清走紗窗上大量嘅灰塵!

想再乾淨少少,就再用高纖維嘅抹布,抹多幾下個紗窗。咁樣做,又係完全唔使拆,又簡單又方便。

 

更多家居清潔及收納貼士:https://goo.gl/g7wo6t

 

溫馨提示:在處理家居雜物方面,也許你會需要額外儲存空間,咁就不妨搵Boxful幫你手!無論你需要迷你倉服務,定係更彈性嘅迷你箱,Boxful都可滿足到你嘅需要!

即搵Boxful幫手

——

延伸閱讀:【搬屋收納必用】各式 儲物膠箱 大比併

延伸閱讀:【 抽濕機 選購情報 】 邊款最好抽?消委會話你知

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *