【古靈精怪 迷你倉 】10大最古怪儲存品

一般人租用 迷你倉 ,都係用來儲存家中嘅雜物或個人收藏。不過,都可能有啲收藏會比較古怪,甚至嚇你一驚!尤其喺外國,因為土地問題冇咁嚴重,佢哋租用嘅儲存倉冇咁「迷你」而有較大空間,所以亦有更多古靈精怪嘅存物品!Boxful綜合網上媒體嘅報道,搜羅咗以下嘅10大最古怪儲存倉物品!

首先講番少少背景。喺外國,一啲儲存倉如果欠租太耐、搵唔番個租客,或者租客身故無人認領,儲存公司係有權將入面嘅物品拍賣,而拍賣時買家係唔會知道入面有啲乜嘢,要到成交開倉時先會揭曉。由此亦衍生出,有啲人專門去收購呢啲被棄置嘅儲存倉物品,好似尋寶咁,分分鐘會中大獎!

 

1)占士邦潛水車

喺1977年嘅007電影《鐵金剛勇破海底城》入面,最搶鏡係嗰部可以變做潛水艇嘅白色蓮花Esprit跑車。但該片拍完之後,部車就唔見咗。直到1989年,有人喺美國長島以100美元收購咗一個儲存倉入面嘅儲存品,赫然發然部占士邦潛水車在其中!2013年, Tesla創辦人Elon Musk就以997,000美元投得呢架跑車,因為佢想開發真正嘅可變潛水車。

 

2)斷腳

2004年,美國北卡羅來納州一位男士John Wood,因飛機失事要截去一隻腳。佢為咗第時百年歸老可以有全屍入土為安,決定將隻斷腳收埋喺個BBQ烤爐入面,而個爐就入咗儲存倉。之後佢因為欠租,儲存倉將佢嘅物品拍賣。Shannon Whisnant呢位女士購入咗個BBQ爐,一打開就見到隻斷腳,當然嚇到報警啦!之後阿John都可以攞番自己隻腳。

 

3)人體器官

2012年有位仁兄購入咗Dr. Michael Berkland嘅儲存倉物品,發現有10個人腦、心臟、肺等人體器官,來自超過100位死者。Michael本身係一位驗屍官,懷疑佢係在解部屍體期間保留咗呢啲器官去收藏。

 

4)女屍

2012年,美國佛羅里達州一個儲存倉裏面,被發現有一具女性屍體。死者係享年95歲嘅Ann Bunch。原來,佢早喺17年前已經去世,本來佢家人諗住運佢副棺木返去家鄉阿拉巴馬州下葬,但係佢孫女Bobbie處事失當,以天雨、壞車等等做藉口,求其將副棺木放喺儲存倉就算,一放就放咗17年,直到Bobbie自己身患末期癌症先將事實講出。

 

5)骨灰

既然儲存有斷腳有器官有屍體,咁有埋骨灰都唔出奇吖!一位「照顧」老人家嘅女士April Parks,私下將27位老人家嘅骨灰放置在儲存倉,一直冇人知。直到有日佢入獄而冇再交租,個儲存倉嘅物品被拍賣,先至揭發事件。查實佢入獄原因,係向老人家偷錢同騙財,到老人家過身就求其處理,行為實在係令人髮指。

 

6)第一本《超人》漫畫

1995年,影星尼古拉斯基治用100萬美元,收購咗一本極罕有嘅《超人》漫畫第一期(Action Comics #1)。不過喺2000年,本珍藏漫畫被人喺佢屋企偷咗。去到2011年,一位人士收購咗加州一個儲存倉嘅物品,喺當中發現咗呢本《超人》漫畫!當佢打算攞去賣俾漫畫收藏家嘅時候,對方一睇見呢本孤本就知道係尼古拉斯被偷嗰本,當堂見財化水!不過尼古拉斯就無端端失而復得,諗都冇諗過!

 

7)米高積遜失傳歌曲

話說,一個原本由米高積遜父親Joe Jackson租用嘅儲存倉,裏面嘅物品被拍賣。成功投得嘅買家,發現裏面有250首米高從未發表嘅錄音歌曲!因為冇任何唱片公司宣稱擁有該些歌曲嘅版權,個買家而家全權持有。

 

8)蛇

2017年5月,美國加州一個儲存倉內被發現有42條球蠎蛇,其中有22條已經死咗,但其餘嘅就生勾勾!儲存公司馬上要向當地動物專家求援。一般嚟講,儲存倉係唔可以用來放置任何動物嘅,所以大家都千祈唔好咁做。

 

9)NASA火箭

Allen Haff and Clinton Jones

2011年,Allen Haff同Clinton Jones一齊以1,500美元投得美國邁阿密一個儲存倉嘅物品,然後發現入面居然有太空總署嘅一個倒數鐘,以及一支火箭。事關嗰個儲存倉就近著名嘅火箭發射場卡納維拉爾角,可能NASA都唔夠空間儲放雜物,搞到要租倉啩!

 

10)賊仔

2011年,美國密蘇里州一個儲存倉內忽然傳出有人聲,保安員即刻報警。警方之後破開個倉,並拘捕咗裏面嘅Ronald Dennis。原來呢位仁兄本來係去儲存倉爆格,但唔小心自己反鎖咗自己喺入面,百分百係一位笨賊。

 

睇番香港嘅迷你倉,就未必有咁多古靈精怪儲存品,不過都曾經傳出有人喺迷你倉度住宿,如果屬實都算係奇聞!不過大部分香港嘅迷你倉都有完善管理,唔會出現殘肢呀、大蛇呀咁嚇親大家,可以放心使用嘅。想了解多啲Boxful迷你箱迷你倉服務,可以即刻睇睇!

即按了解Boxful服務

——

延伸閱讀:【儲存服務點揀好?】精明選擇 迷你倉 10大貼士

延伸閱讀:【我的 迷你倉 血淚史】4大迷你倉煩惱

緊貼Boxful BlogFacebook Page,獲取更多家居生活貼士!

發表回覆

你的電郵地址並不會被公開。 必要欄位標記為 *