【 儲物狂 不是 收藏家 】8條問題自我測試是否有 囤積病

模型、文具、郵票、戲飛……唔少人都以收集不同類型嘅物品為嗜好。不過當你收集太多,搞到成間屋都放滿你嘅收藏品時,咁表示你可能已經有儲物癖,患上囤積病。想知自己有冇中招?立即睇以下呢個 儲物狂 8大徵兆自我測試,睇下你有幾多題會答「是」?

 

1)你屋企是否收埋一大堆冇用冇價值嘅物品?

每個人收集嘅物品各有不同,好似郵票、玩偶、藝術品同古董等,不過有儲物癖嘅人通常收集大部分人眼中已失去用途或價值嘅嘢,例如過期報紙分雜誌、罐頭、盒,甚至係紙皮箱、汽車零件等廢物等。

 2)你收集物品是否漫無目的?

每個人收集嘅物品各有不同,好似動漫公仔、襟章、明星產品、影碟同錢幣等,都係出於個人喜好而收集嘅。有時或會係為咗個人回憶留作紀念,有時則係為咗投資增值。不過如果你只係因為自覺好似有需要而漫無目的咁收集物品,例如見到免費派發嘅小冊子、得意嘅空瓶空罐空盒等,都忍唔住拎返屋企,咁就可能係有儲物癖喇!

3)你是否唔捨得丟棄物品?

有儲物癖嘅人會覺得啲物件將來可能會有用,而且覺得丟棄物件可能會棄掉了一件有用或有價值的物品而感到焦慮同緊張,所以無論物品價值高低都唔捨得丟掉或清理。

4)你家中擺設是否雜亂無章?

收藏家一般都好珍重自己嘅收藏品,所以會將物品分門別類,擺放得井井有條,甚至特意購買展示櫃、儲物盒、防潮箱等以便妥善收藏,但儲物狂往往只將收藏品隨便堆放,甚至放到一房一地都係。

5)你家中物品是否多到明顯影響生活空間?

由於收藏家一般會將物品妥善收納好,所以數量再多都冇咁大影響。相反,如果收藏品亂放,而數量又已經多到連床上、桌椅上、梳化上等都上堆到冇晒位,喺家中移動都有困難,咁就要小心喇,你好可能已經患有儲物癖喇!

6)你是否不大願意同其他人分享你的收集物品?

好多收藏家不但享受收集物品嘅過程,仲會為自己嘅收藏品自豪,樂意同其他同好一齊分享。不過如果係有儲物癖嘅人就剛好相反,反而為自已嘅收藏品感到尷尬,而且唔多願意俾親朋好友或者其他訪客參觀。

7)你是否經常為雜物和家人爭吵?

如果你成日因為一屋都係雜物而同屋企人吵架,咁就係一個警號,表示你嘅儲物行為已經過火,而且仲影響你同家人嘅關係添!

8)你的儲物行為是否有造成鄰居困擾?

一般物品只要小心收藏好,係唔會對其他人有乜影響嘅,但如果你堆積太多雜物,搞到有大塵有異味,甚至惹來蛇蟲鼠蟻,咁就分分鐘仲會對鄰居造成困擾

 

自我評分:

(每答一個「是」為1分)

1 – 3分【輕度儲物狂】

其實你本身都有收藏家嘅基因,只不過可能有少少過咗火位,要開始學習貴精不貴多嘅道理,儲嘢要儲得精啲,儲到一屋都係未必係最叻。

4 – 6分【典型儲物狂】

唔使狡辯,你絕對係個儲物狂,儲物成癖已經開始對你生活造成一定影響,例如你屋企嘅見光地板係買少見少……係時候好好檢討、收一收手,幫下自己幫下家人。

7 – 8分【病態儲物狂】

8個字:病入膏肓,無藥可救!你可能需要尋求適當嘅輔導同埋幫助!

 

其實呢,真正收藏家係唔會將所有珍藏品都堆積在家中,而有更佳更理想嘅收藏空間。而且香港寸金尺土,一般人又點可能在區區幾百呎家居中,收納到咁多珍藏呢?筆者都有超過40箱珍藏書籍儲在迷你倉之中……

係喇,講起迷你倉,絕對係香港收藏家一族必須借助的好幫手!如果你決定要將家中嘅收藏品,轉移到其他合適空間儲存,咁不妨搵Boxful幫你!假設你只需要小幫忙,要儲存嘅收藏品只係三幾箱,可以好好利用Boxful嘅迷你箱服務,逐箱計、冇咁貴!但如果你真係有好多好多物品,以至係大型收藏品,Boxful一樣有提供迷你倉服務!

即搵Boxful幫手

——

延伸閱讀:【收納小貼士】 防潮 吸濕用品不可少

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *