【儲存攻略】使用 迷你倉 服務的7個步驟

屋企雜物多到冇位放?好多人都會選擇用 迷你倉 服務,不過唔好以為揀迷你倉只要夠平就得,近年迷你倉嘅環境同防火安全問題引起唔少爭議,想珍貴嘅物品存放得安全又放心,就要留意以下租用/使用 迷你倉 必做嘅7大步驟!

 

第1步:先計算清楚所需面積

你可能諗住搵迷你倉梗係睇價錢做人,但其實一般迷你倉內有分小型倉、中型倉同大型倉,面積愈大收費愈貴。所以你應該先搞清楚你要存放嘅物品數量同體積有幾大,從而決定你要租幾大嘅迷你倉,避免不必要嘅開支。

另外要注意的是,不同倉的樓底高度不同,會影響到可儲物品的數量,樓底較高的當然可疊高幾個箱啦!

如果你雜物唔太多,你可能根本唔需要租倉,平平地租用幾個迷你箱經已足夠。譬如擺文件嘅可租用文件箱,普通小型雜物嘅就借儲物膠箱,收費為$30 – $90不等,係經濟實惠嘅選擇。

相關閱讀:【迷你箱定迷你倉?】雜物儲存服務全方位比較

 

第2步:比較格價

決定好要租迷你倉後,跟住就要比較格價。住所附近嘅迷你倉固然係好,方便你有事時提取物品,但其實唔同地區嘅迷你倉收費亦有平有貴。好似地價最高嘅港島區迷你倉平均租金亦自然較高,其中太古、西環呢類商業區嘅平均呎價就最貴,約$60 – $90。反觀長沙灣、荔枝角、觀塘等工業區價錢就較相宜,平均呎價約$30 – $40。

此外,消委會調查曾發現同區迷你倉收費差額亦可高達超過2倍,所以揀好地區後記得仲要比較同區各間迷你倉價錢,以節省開支。


第3步:查詢預約

揀好尺寸同地區後,你可以打電話或透過網上查詢預約。由於近年迷你倉嘅防火安全問題引起爭議,記得問清楚迷你倉公司會唔會提供財物及水火保險,又或者物品有任何損失會否有賠償。市面上好多迷你倉公司都唔包保險,你可能要另外向保險公司投保,否則一旦發生火災就損失慘重。

同時,不妨問問該倉是自置物業還是租用地方經營。自置物業的話,其搬倉的可能性相對較低;租用地方的迷你倉,有可能因為租金上升或其他原因,隨時停業,到時分分鐘只會給你1個月通知要你搬倉。

 

第4步:上門實地視察

你可能覺得特登上門參觀好麻煩,但如果你要存放珍藏書籍、重要文件或其他貴重物品,咁最好都係視察一下迷你倉嘅實際環境、防火設備同保安措施。好似書籍、衣服等物件都容易因為通風不足或濕度太重而發霉發黃,所以記得留意倉庫有冇冷氣設備、溫度/濕度控制、防蟲措拖等,以免物件品質受到破壞。

同時,也應視察一下該迷你倉位處工廈的環境,如果工廈太殘舊就要特別小心。工廈周遭的交通方便程度也應考慮:有停車場嗎?附近方便停車嗎?近地鐵站嗎?

 

第5步:簽約

部分迷你倉公司都會要求用戶簽半年至一年嘅合約,收費亦會因租期而有所不同。好多時長期租客可以享有預繳年費優惠,租期愈長,平均月租就愈平。但合約通常亦會列明如果喺約期屆滿前取消, 仍要支付剩餘合約期嘅費用,而已預繳費用亦冇得退還。如果你唔肯定要租用幾耐,就應避免簽死約,不妨先用幾個月至正式簽約。

 

第6步:執拾及包裝雜物

執拾及包裝雜物係入倉前最重要嘅一步。你應清理家中唔需要嘅雜物,將準備入倉嘅物件分類,以便有需要時可以快速搵出所需物品。

由於迷你倉公司一般都唔包Pack嘢服務,基本上你要自行準備紙箱、氣泡墊等包裝用品。如果你要儲存大量文件、書籍同衣物,最好亦自備防潮珠、樟腦丸同竹炭等吸濕用品,以免物件發霉。至於易碎物品則最好用氣泡紙或舊報紙包裹,箱內亦避免留有過多空隙,以免搬運時物件碰撞,造成損壞。

延伸閱讀:【收納小貼士】 防潮 吸濕用品不可少

 

第7步:Call車搬貨

用得迷你倉服務,梗唔少得要搬運雜物入倉。市面上提供搬運服務嘅迷你倉公司並唔多,所以好多時你要自行安排貨車搬運。如果你儲存的是幾箱雜物,可以自行Call貨Van,數百元就搞掂,不過搬運就要親力親為。如果物品數量多又或者有大型傢具,就要找搬運公司了,一般收費約為$2,000 – $3,000不等。

嫌麻煩嘅朋友可考慮本身有自設車隊同搬運團隊嘅儲存服務公司,一站式幫你安排晒存倉搬運事宜,全程安在家中就可以直接將所有物品存入倉內。

 

其他備忘小貼士:

1)一般迷你倉的倉門,都需要顧客自備鎖頭。入倉前記得自行購買。用密碼鎖頭較方便,用鎖匙鎖頭就較安全。

2)如果自行搬貨入倉,通常迷你倉都會有手推車仔供借用,當然自備就會較方便。

3)如果你存倉的物品以紙箱裝載,建議在紙箱頂鋪一層膠布遮蓋,萬一消防喉漏水亦可減輕損失。當然用膠箱儲物會較好。

 

睇完以上步驟,覺得有點頭痛?又要格價,又要自己Pack嘢Call車,聽落好麻煩。但想用迷你倉用得安心又放心,呢啲工夫真係唔慳得架!

其實,想要又方便又快捷又安心嘅儲存服務,你可以考慮搵Boxful幫手!Boxful擁有自家運送團隊,可以喺預約時間運送儲物膠箱去你屋企,等你收拾好所有物件入箱後再幫你將儲存箱運送去倉庫,就連取回儲物箱都一樣有專人送上門,全程足不出戶就可搞掂!而且儲存費用係逐個箱計,用幾多俾幾多!同時亦有按面積計算嘅迷你倉服務,悉隨尊便!

即搵Boxful幫手

——

延伸閱讀:【儲存服務點揀好?】精明選擇 迷你倉 10大貼士

延伸閱讀:【我的 迷你倉 血淚史】4大迷你倉煩惱

緊貼Boxful BlogFacebook Page,獲取更多家居生活貼士!

發表回覆

你的電郵地址並不會被公開。 必要欄位標記為 *