Blog 首頁 全部文章 【個雪櫃又塞爆咗?】 雪櫃收納 基本步幫你節省空間

【個雪櫃又塞爆咗?】 雪櫃收納 基本步幫你節省空間

Minger
【個雪櫃又塞爆咗?】 雪櫃收納 基本步幫你節省空間

近月由於受疫情影響,許多家庭都多咗去超市大手入貨,又或者多咗幫襯網店購買食物,為求心安亦以防萬一。雖然缺糧嘅情況未必真係會出現,但係家中就往往先出現另一問題:個雪櫃被「打爆」咗,冇晒位!講開 雪櫃收納 / 冰箱收納,好多人都話要向日本主婦學習,其實佢哋嗰一套都唔係乜嘢高深學問或秘密招式,只係一啲簡單原則同技巧。

雪櫃分區5大原則

1)依保存期分區

一般雪櫃內(唔計冰格)的出風口都在頂部,上層溫度會低過下層。所以保存期長、需要用低溫保存嘅食物,放在較上層比較好。保存期短嘅食物就可以放在較低層。

2)預留暫存區

暫存區主要用來放置吃剩餸菜,並讓雪櫃保持機動性,有一個咁嘅位用來走盞。剩餸最好用可密封嘅玻璃收納盒儲存,比起用碗碟,冇咁容易倒翻,亦可防止氣味散布在雪櫃內。

3)生熟分開放 

食物放入雪櫃時要留意「上熟下生」,以防止生食的汁液流進熟食中。最好是生熟食物分開不同層數放置。因為熟食的溫度有可能加速附近的生食變壞。 

4)蔬果分開放

有些水果會揮發出氣體,或對其他蔬菜水果產生催熟作用,例如芒果、木瓜等,都應該小心個別存放,不要混在其他蔬菜的區域。

5)門內側空間放置瓶罐

雪櫃門經常會開關,所以門內側嘅置物空間不適合儲存要靜置嘅食物,只宜存放以樽或罐放好及蓋好、不會打翻的食物。呢啲一樽二樽嘅物品如果放入雪櫃內會好浪費空間,放在門內側就最理想。

 

雪櫃收納4小技巧

1)統一容器

食物買回家之後,如果用番佢原本嘅包裝或膠袋去放入雪櫃,會放到參差不齊,又亂又浪費空間。建議馬上用統一嘅收納盒去按照種類存放。用有蓋可密封嘅透明收納盒就最理想,不但可以令食品保存得更好,又一目瞭然,佢哋亦可以疊起整理,方便取用,雪櫃內部亦會更整齊。

2)收納蔬菜

基本知識:蔬菜(及水果)放入雪櫃儲存前千萬不要清洗,因為水份會令蔬菜滋生細菌,加快腐爛。若蔬菜本身有水或泥土,可用廚房紙輕擦吸水後,再放入雪櫃。如將蔬菜以密封收納盒儲存,建議喺盒底加墊廚房紙吸水。如果雪櫃的蔬菜格夠大,建議蔬菜最好垂直放置,會較慳位,亦避免擠壓。

3)一餸一盒

如果你家中雪櫃夠大,可以用呢個「一餸一盒」的收納方法,即是用一個收納盒去存放一道餸菜所要用的食材,好處係煮餸時成盒攞出嚟就可以,既方便又唔使喺雪櫃摷嚟摷去,亦可以避免同一樣食材因太大包而要重覆解凍。不過就要在儲存前做好分類、量度份量等工夫。

4)標籤食物

以收納盒儲存嘅食物,最好加上標籤,標明盒內係乜、幾時購買或保存期限,清楚楚就可以及時取用,唔會造成不必要浪費。另一個好習慣係在雪櫃門外貼上一塊白板,用來記錄雪櫃內有乜食材,或者需要補充乜嘢食材,咁就可以適時補貨,亦唔會過度購買。

 

其實雪櫃收納嘅原則同一般家居收納大同小異,做好分類、善用儲存工具、定期清理避免堆積,呢啲基本功適用於任何場合嘅收納。如果喺執拾家居或辦公室時,你發覺需要額外空間去儲存物品,Boxful可以幫到你!無論你只係需要一個箱嘅額外空間,抑或你需要多個儲物房,Boxful唔同嘅Plan總有一樣啱你用,即刻睇睇啦!

即按了解Boxful服務

——

延伸閱讀:【儲存攻略】想節省家居空間?應考慮存放入倉的幾類物品

延伸閱讀:【波鞋收藏攻略】運動鞋之清潔保養及收納儲存貼士

緊貼Boxful BlogFacebook Page,獲取更多家居生活貼士!

更多相關文章