【 搬屋公司 小心揀】使用搬屋服務的7大注意事項

現代人一生之中,總會經歷幾次搬屋;細屋搬大屋多數係順境嘅象徵,但大屋搬細屋亦唔一定係壈事,可能係個人獨立而居、或者成立小家庭。好多時,搬屋都需要搵 搬屋公司 幫手,但如果選擇搬屋服務時稍一不慎,好容易會「出事」!Boxful就為大家歸納咗揀選搬屋公司及使用搬屋服務時務必要注意嘅一啲重點。

1)上網報價要留神

一般搬屋公司會派職員上門,點算家俬及雜物數量,視乎實際情形向顧客報價。近年愈來愈多搬屋公司提供網上報價,由顧客自行在網上輸入物品數量,更為方便。要注意網上輸入資料時要盡量詳盡,而提交後要有對方職員聯絡確認報價,才比較妥當,,避免出現報價及最終費用有偏差而起爭議。

2)注意訂金及付款方式

大部分搬屋公司都要求顧客先付若干訂金(搬屋費總數之10%至50%不等),再於搬屋完成當天清付尾數。而兩項付款大多只接受現金或支票,只有少數公司會接受轉帳、信用卡或其他電子支付方式。如果你唔想以現金支付,選擇搬屋公司時就必須問清楚。

3)留意有否最低消費

如果你需要搬嘅物品唔多(例如只係一間房的物品,又或者得幾件大型傢俬),留意有啲搬屋公司設有最低消費,記得要選擇冇最低消費嘅公司。

4)額外收費多籮籮

除咗整體報價之外,部分搬屋公司有各式各樣的額外收費,可能會大大增加你嘅最終搬屋費用。包括:

  • 周六、日或公眾假期附加費
  • 每箱物品超重附加費(一般每箱上限20kg至25kg)
  • 額外運送地點附加費
  • 傢俬裝拆附加費
  • 上落樓梯搬運費(如唐樓、村屋等)
  • 大型物件搬運費(如鋼琴、按摩椅等)
  • 經平台轉升降機附加費
  • 廢物清理收費
  • 紙箱膠箱等搬運材料費

顧客好多時都忽略呢啲收費,最後埋單時嚇一驚,搞到同搬屋公司口同鼻拗。因此喺報價時,應仔細問清楚有否以上各種費用,並作出估算,以免到搬屋當日先大失預算。

5)確認服務及更改時間

搬屋服務當然愈早預約愈好,但即使預約後,最好喺搬屋日臨近前,再同搬屋公司確認一次,以免對方出現甩漏。另外,預約後如需更改日期時間,應盡早向搬屋公司提出,部分公司有規定最遲若干日前更改否則會有附加費。

6)不予搬運之物品

部分搬屋公司對某啲物品唔會提供搬運報務,例如入牆傢俬、貴重物件、大型寵物等,顧客應先查詢清楚。

7)搬屋後之爭議

最常見嘅兩種爭議,第一係實際搬運物品比報價時多,搬屋公司可能要求收取額外費用;另外就係搬運期間有物品損毀。對於呢啲情況,唔同搬屋公司有唔同嘅處理準則,最好都係俾訂金前了解多啲。

 

話時話,其實Boxful而家都有提供搬屋服務!你只需喺網上填寫簡單表格、提交搬運內容,Boxful嘅搬運顧問就會好快通過電話或 Whatsapp 同你聯絡,提供免費報價。之後你就可以安在家中,等Boxful團隊幫你搬運喇!如果你都係對傳統搬屋公司比較有信心,你可以考慮搵創立於1960年嘅人人搬屋幫手喎!

即搵Boxful報價

——

延伸閱讀:【搬遷冇煩惱】 搬屋 前要注意的小貼士

延伸閱讀:【租約期滿?家居裝修?】搬屋過渡期之 短期儲存 貼士

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *