聖誕裝飾 收納5大招

「又到聖誕!又到聖誕!」每年聖誕前夕,大家一諗起要準備為家居或辦公室佈置,總會十分雀躍!由聖誕樹到燈飾、掛飾,每個細節大家都會花盡心思,出錢又出力。但係一過咗聖誕節同新年,去到農曆新年前,大家又要頭痛:點樣收納好呢堆 聖誕裝飾 呢?等Boxful醒你幾招,唔使年年煩惱!

 

1)聖誕樹

大部分香港人都係買塑膠或紙製嘅聖誕樹,預咗會用幾年,所以每年將聖誕樹組裝時就好興奮,但一到要拆除收納時就覺得好麻煩!

最重要嘅一件事,聖誕樹買番嚟之時,一定要留番個盒。如果你冇咗個盒,要將整棵樹嘅組件全部收起係會相當麻煩。同時,將部件收入個盒之後,建議你要用封箱膠紙將個盒封起,防塵之餘亦可防止「小強」或「四腳蛇」入去居住,免得你下年開箱時被嚇一跳!

 

2)聖誕掛飾

聖誕樹上嘅各類掛飾,部分圓形彩球係以易碎嘅物料裝造,比較容易打爛,所以收納時要特別注意。最好係用番原來嘅小盒去收納,然後集中埋一齊,放喺一個大膠箱。如果冇咗原盒,可以考慮用雞蛋盒或鞋盒代替。

想加強保護,建議用白色紙巾逐一包裹,千萬唔好用舊報紙;因為舊報紙嘅油墨會整污糟啲飾物,而且仲會惹曱甴!

 

3)聖誕燈飾

一串串嘅聖誕燈飾,一拆落嚟就捲成一團團,又打晒結,絕對係最令人頭痛嘅聖誕收納!坊間嘅做法係利用一啲大鐵罐(如奶粉罐),將燈飾串繞住個罐嚟撓,咁就唔會打結!而且罐內又可收納其他零碎飾物,一物二用。

 

4)聖誕花環

聖誕花環相當佔位,又唔可以摺埋,點搞?最簡單嘅方法係將佢垂直掛入衣櫃,最好包一個防塵袋。如果就咁將佢攝入床下底,會好容積塵,下年攞出來都令你唔想再用。

 

5)「一節一箱」幫到你

顧名思義,「一節一箱」就係你可以將全部聖誕節嘅用品同雜物,全部儲存在喺一個迷你膠箱,由專人上門取件存放在倉。下一年,當聖誕節就到時,你就可以隨時預約服務人員,將該個箱送到你家中。你可以一個「Christmas箱」、一個「CNY箱」、一個「Halloween箱」咁,清清楚楚,要用先攞,為你家居慳番唔少地方!了解更多,即睇:【儲存攻略】 節日用品 阻地方,「一節一箱」幫到你!

 

嚟緊過完聖誕節之後,不妨參考以上招數,明年聖誕就冇咁煩惱啦!

即搵Boxful幫手

——

延伸閱讀:【人生有幾多個十年?】踏入不同階段的不同 儲存需要

延伸閱讀:【秋風起,要換季】夏天 衣物收納 的5大貼士

緊貼Boxful BlogFacebook Page,獲取更多家居生活貼士!

 

 

Leave a Reply

Your email address will not be published. Required fields are marked *