Blog 首頁 全部文章 【秋風起,要換季】夏天 衣物收納 的5大貼士

【秋風起,要換季】夏天 衣物收納 的5大貼士

Minger
【秋風起,要換季】夏天 衣物收納 的5大貼士

秋風起,大家走到街上已感到陣陣涼意,係時候搵番啲秋裝出來,同夏天衫換位。唔好睇少呢個換季工程,將 夏天衣物 收納好其實都有啲地方要注意,並非求其摺埋攝入衣櫃中咁簡單。就等Boxful提提你一啲夏衣收納小貼士啦!

1)先清洗,後收納

呢點十分重要,每一件夏天衫喺收納之前,都要洗得乾乾淨淨。夏天衫一般較薄身,又以淺色為主,如果洗得唔乾淨,殘留咗啲汗水香水,就好容易變色!明年攞番出來先發現,都已經救唔番!

 

2)分類擺放

大家通常會將啲夏天衫摺好疊埋咁存放,咁樣雖然最慳位,但注意要分類擺放。例如:真絲衣物唔可以同棉質衣物一齊擺放,否則真絲衣物有機會變色。

真係要疊起啲衣物,建議你按衣物種類分層咁疊:合成纖維衣物可以放在最底層,棉質、麻質、毛質等衣物可放中層。絲質衣物則要放最上層,且最好用紙包起。

另一建議係於每件衫之間加一張乾淨紙皮,方便抽啲衫出來。其實市面上有售一啲衣物收納板,比紙皮更方便衛生。

3)T恤存放法

不論男女,夏天都經常會著T恤,而存放T恤除咗摺起疊放之外仲可以捲起收納。捲放的話,一來可以更節省衣櫃位置,二來T恤唔會咁易起摺。

 

4)防蟲劑

存放夏天衣物衣櫃或膠箱,都要做好防蟲措施。要注意,雖然市面上防蟲產品五花八門,但一個衣櫃中只可以使用一種防蟲劑;如果你同時用幾種,會弄巧反拙,影響效果。防蟲劑要放喺衣櫃高處位置,因其密度比空氣高,向下擴散比較容易。當然仲要避免防蟲劑同衣物直接接觸到。

另外,喺衣櫃底部鋪上報紙,都有助防蟲,因為報紙上油墨氣味乃係蛀衣蟲煞星。

 

5)搵Boxful幫手

最後送多一個超級貼士俾你!你可以搵Boxful幫手,由專人上門幫你嘅夏天衣物以標準儲存箱或掛衣箱儲存,仲幫你入埋倉!你心愛嘅衣物喺最優質嘅環境之下妥善儲存過冬,到明年你換季之時,再由專人送番上門俾你,簡直係新嘅一樣!而且價錢唔貴之餘,仲可以幫你屋企個衣櫃慳番唔少位!一舉幾得嘅服務,好值得使用!

即搵Boxful幫手

——

延伸閱讀:【衣櫃整理攻略】 衣物收納 8招令你衣櫃不再亂

延伸閱讀:【冬天 衣物儲存 】迷你箱 Vs 洗衣店,到底邊樣好?

緊貼Boxful BlogFacebook Page,獲取更多家居生活貼士!

更多相關文章