【搬遷冇煩惱】 搬屋 前要注意的小貼士

搬屋 係一件大事,亦係一件煩事。由於每個人嘅家居狀況、生活習慣等都唔同,點樣搬屋先至係最好,實在好難一概而論。不過,都有啲大家搬屋時都應該注意嘅基本貼士,Boxful可以同大家分享一下。

 

1)自己搵朋友幫手 搬屋 ,真係好?

好多朋友搬屋時因為種種原因(例如:想慳錢、以為自己物品不多、新居地點同舊居好近……之類),都會覺得唔使搵搬屋公司幫手,可以自己郁手,或者搵一班兄弟幫手搞掂。當然,冇話唔得嘅。不過提提你,如果你屋企有沙發、床褥、衣櫃、雪櫃等大件嘢,就真係唔好亂來!

呢啲大型傢俬,搬運時好容易有碰撞而受損,所以最好有專業嘅防撞包裝。而且佢哋好多時要拆件先可以出到門口或入到電梯,就算你有相關工具,本身唔熟手嘅你要拆要裝並非容易,會比專業人士花上幾倍時間!所以,都建議大家搵番專業搬屋公司或專家幫手好啲。

 

2)裝箱注意易碎品

大家應有同感,搬屋最煩嘅就係要將好多中小型日用品或雜物裝箱,例如:碗碟餐具、書籍文件、衣服鞋襪等,小至一支筆、一條叉電線,雖然好細小又唔重,但要全部入箱真係極之麻煩。

建議你,裝箱時要將物品分類,較重和體積較大嘅物品放在底層,而易碎物品最好自成一箱,在箱外要標明「易碎」。如你本身有車,不怕麻煩的話不妨自行將易碎品嘅箱自行車到新家,可以更加有效避免物品被弄碎。

 

3)善用額外儲存空間

好多人喺搬屋前要執屋之時,先「醒覺」原來家中囤積咗不少雜物,諸如長期鋪塵嘅裝飾品、十年先著一次嘅禮服 / 高踭鞋、收藏咗幾十年嘅閃卡……為咗令新居有更多空間,你好應該利用迷你箱或迷你倉儲存服務,將呢啲少用嘅物品收納在家居以外。

如果你雜物數量有限,可以考慮如Boxful呢類公司所提供嘅文件箱儲物箱服務。佢哋亦有提供以逐件物件計費嘅大型物品儲存,以及專為儲存衣物嘅掛衣箱,服務十分彈性,滿足到不同人士嘅需求。而同仲有專人上門收件,令你搬屋前煩少一樣嘢!

 

4)晨早 搬屋 有好處

當你搵搬屋公司幫手搬屋,對方上門報價之後,就會同你約實搬屋日期同時間。好多時,大家為免唔想一早起身,都會揀中午、下午……不過,經驗教訓我哋,宜約在早上,而且係愈早愈好,最好係對方早上開工第一單:8:30AM!

事關,搬屋團隊一日並非只做你一個Job,遇著一啲繁忙日子,分分鐘一日要搬5、6家,由朝到晚冇停手!要知道,搬屋工作經常會有不同情況發生,又會有交通狀況,所需時間很難預計。如果你約好下午3時搬屋,但當對方早上幾單搬屋工作都有延誤,骨牌效應之下,他們準時3點出現的機會近乎零,甚至遲到幾小時也有可能!你變相要白等,浪費了時間。

因此,選早上第一個Job的話,搬屋團隊多會準時出現,同時亦會在最佳狀態;手快快幫你搬完,你就有整個下午可以在新家執屋了!

 

總括而言,如果你平日家居收納做得好,就算遇上要搬屋都可以冇咁煩惱。記得多留意Boxful為你提供嘅家居收納貼士

——

延伸閱讀:【租約期滿?家居裝修?】搬屋過渡期之 短期儲存 貼士

延伸閱讀:【人生有幾多個十年?】踏入不同階段的不同 儲存需要

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *