嚴選 黑膠唱片 收納產品

近年愈來愈多人玩番、儲番 黑膠唱片 ,變相令好多黑膠碟嘅周邊產品亦紛紛重現市場。當中,用來收納唱片嘅盒/箱/櫃對用家嚟講,係相當重要嘅一環!因為唱盤上只能Play一隻碟,其他嘅收藏(幾十或者幾百隻唱片)都要長期收納,要放得穩陣之餘,外形時尚同埋方便取用都要講究。今回就為大家嚴選一啲黑膠唱片收納好產品。

 

1)Grey Cube黑膠唱片架

今時唔同往日,唔好以為淘寶貨一定唔好。呢款喺淘寶有售嘅黑膠唱片架,材料係亞架力膠,輕便之餘造工亦好精細,底部仲有四隻獨立調校高度嘅底腳,確保擺放平穩。一個可以收納25張黑膠碟。(參考售價:人民幣¥268)

 

2)楠竹製黑膠唱片架

同樣係淘寶貨,呢款楠竹製唱片架又係另一種實用風格,而楠竹板比一般夾板結實好多,且不易受濕發霉。一個可以收納50張黑膠碟。(參考售價:人民幣¥225)

 

3)flipbin收納盒

flipbin呢款專為保存同展示黑膠唱片而設計嘅收納盒,佢一邊少少傾斜嘅設計,令你可以好似喺唱片鋪咁瀏覽自己嘅收藏品,加上有多種顏色選擇,十分之潮。材料係鋁合金,可以擺放約33隻12吋唱片。(參考售價:US$75)(官網:flipbin.com

 

4)Atelier D樺木唱片隔板

加拿大設計公司 Atelier D 生產嘅純手工樺木唱片隔板,一套有 12 塊樺木隔板,俾你將唱片分類收藏。木製品嘅質感加上隔板上嘅唱片螺紋圖案,實在係品味之選。(參考售價:CAD$96)(官網:cargocollective.com/atelier-d

 

5)Brain Dead黑膠唱片收納籃

潮流品牌Brain Dead早前一度推出過呢款用來收納黑膠唱片嘅收納籃,外形似足一般嘅啤酒膠籃,但有咗潮牌嘅Logo自然身價唔同晒!佢只喺Brain Dead網上商店獨家發售,但目前上去就搵唔到,可能已經被粉絲搶購晒!(參考售價:US$40)(官網:wearebraindead.com

 

6)Ikea Kallax層架組合

Ikea以前嘅Expedit系列書櫃深受黑膠迷喜愛,因佢尺寸適合擺放黑膠碟而且堅固耐用。所以2014年Ikea停產咗Expedit系列,令黑膠迷大受打擊!不過而家Ikea嘅Kallax系列,同Expedit係異曲同工,一樣咁適合收納黑膠碟,而且任意組合,變化萬千,仍然係黑膠迷嘅首選。(參考售價:圖中4格x4格 HK$999)(官網:www.ikea.com/hk/zh/

 

如果你家中嘅黑膠唱片收藏量太多,可以考慮將一啲冇咁常聽嘅黑膠碟,搵Boxful幫你手儲存住,以最好嘅膠箱、存喺溫度同濕度都嚴格控制住嘅空間,你嘅收藏將會十分穩妥,而你家居亦可騰出更多空間!

即搵Boxful幫手

——

延伸閱讀:【文青必讀】 書本收納 5大貼士

延伸閱讀:【一屋玩具點樣執?】培養孩子自小就懂得 玩具收納

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *