Blog 首頁 全部文章 【家居整理攻略】過完年更加要 執屋 !

【家居整理攻略】過完年更加要 執屋 !

Minger
【家居整理攻略】過完年更加要 執屋 !

一般人嘅諗法係,要喺過年前大掃除,執乾淨間屋迎接新一年。呢個傳統智慧當然係冇錯。只不過,你有冇發現過完年、過完節之後,間屋反而仲亂過之前多多聲?所以Boxful就特別提提你:過完年更加要 執屋 呀!以下係一啲相關小貼士:

 

1)過年雜物要收納

過年之時,大家家居一片紅彤彤又金光燦爛,各式揮春、掛飾、擺設鋪滿全屋,仲有花瓶、全盒、禮物盒、招財物等等;之但係一過完年,呢一切都變成雜物甚至廢物,如果唔及時處理好,真係會令家居亂到七彩。

點處理好呢?首先記住,以上好多物品都可以循環再用(例如用唔晒嘅利是封),用得番就唔好浪費,應該將佢哋保存收納好,用一個或多個獨立箱去儲存。一啲禮物盒、鐵罐等,就可以留番用來做收納小盒。真係用唔番嘅嘢,就果斷清走,千祈唔好囤積一角。

相關閱讀:節日用品 阻地方,「一節一箱」幫到你!

 

2)過年衣物要處理

過完年之後,一啲新年期間先會穿著嘅衣物,諸如大紅色嘅衫、唐裝衫、小朋友過年裝等等,相信下次著都係一年後嘅事,咁就要將佢哋好好清洗、好好收納,先至可以保持歷久常新。

同時間,過年之後亦代表大地回春、天氣回暖,係時候開始做換季準備,將秋冬衣物收好,將春夏衣物取出。

相關閱讀:簡單3步驟輕鬆處理 換季衣物

相關閱讀:冬季衣物 護理有法

 

3)過年食品要注意

過年期間,相信大家家中都會多咗好多賀年過節食物,不論係自用或者收番嚟嘅禮物,好多時過完年都未必食得晒,所以都要注意處理同收納好。

一啲儲存期限較短嘅食品(如糕點),當然要儲存喺雪櫃,但亦要注意儲存期有冇過咗,一過咗就千祈唔好再留,一旦發霉變壞,會影響埋雪櫃內其他食品。

而一啲儲存期限較長嘅食品(如糖果、果仁等),建議用一啲有密封蓋嘅玻璃容器儲存,可以保存得更好。而一啲海味、乾貨,亦應該用密封容器儲存,並使用乾燥包保持乾爽,放置喺冇陽光直射到嘅地方。

 

4)過年玩具齊齊執

過年係小朋友最開心嘅假期,除咗因為日子長,佢哋往往仲會有好多新玩具玩!有啲係親朋戚友送贈,有啲係自己用利是錢買。過完年之後,作為家長係一個好時機訓練小朋友自己執拾玩具!注意:唔係大人幫佢哋執,係俾佢哋自己去執!小朋友自小就培養出收納嘅好習慣,將來佢哋亦會成為一個生活有規律、家居有品味嘅智者。

相關閱讀:培養孩子自小就懂得 玩具收納

 

執屋之餘,如果你發現自己需要額外空間幫你儲存四季衣物或立雜物品,Boxful可以好靈活咁幫到你!

即按了解Boxful服務

——

延伸閱讀:【點只得一個箱?】 Boxful 三大類型服務睇真啲!

延伸閱讀:【儲存服務點揀好?】精明選擇 迷你倉 10大貼士

緊貼Boxful BlogFacebook Page,獲取更多家居生活貼士!

更多相關文章