【防潮攻略】冷氣機可以代替 抽濕機 嗎?

Boxful成日提醒大家,要做好家居儲存收納,控制濕度係十分重要;尤其香港近海而潮濕,如果家居抽濕做得唔好,你嘅收藏物品好容易會「壞咗」,到時真係喊都無謂!有個講法,話其實開冷氣機就可以同時抽濕,唔使一定要另外添置 抽濕機 ,到底咁樣係咪可行呢?   

 

冷氣機的抽濕原理

香港每年潮濕日子多,所以好多家庭都會購買抽濕機。但亦有人認為用冷氣機可以同時抽濕,而不少冷氣機都有「獨立抽濕」功能,所以不必另購抽濕機。

冷氣機嘅「獨立抽濕」功能,原理好簡單:冷氣機吸入室內嘅空氣,而送風風扇就處於低速運作;同時,內部壓縮機會時開時停,間斷式咁製冷,將室內空氣中嘅水份變成冷凝水。呢啲水份會經過冷氣機嘅去水管排出,而重新送到室內嘅空氣就係比較乾爽嘅空氣,於是室內嘅濕度得以降低。

如果將冷氣溫度設定得較低,冷氣機抽濕效果就會更加好。不過冷氣機嘅壓縮機就要保持住不停運轉,變成耗電量同開冷氣機一樣。

 

冷氣機抽濕的缺點

1)抽濕量不足:冷氣機雖然可以抽濕,但係實際抽濕量比較細,抽濕速度亦較慢。喺一啲相當潮濕嘅日子,用冷氣機去抽濕嘅效果會唔明濕。

2)影響溫度:喺一啲春天日子,溫度並不高嘅時候,如果用冷氣機抽濕,好容易會令到室內溫度太低,影響舒適感。

3)抽濕範圍窄:冷氣機通常安裝喺固定位置,所以抽濕範圍比較窄,只適合喺睡房之類嘅空間。

4)耗電量高:冷氣機耗電量比抽濕機高好多,長遠嚟講並唔划算。

5)影響機件壽命:冷氣機長時間運作抽濕,會大大增加咗機件負荷,影響冷氣機嘅壽命。

 

都係買番部抽濕機好?

冷氣機嘅抽濕功能雖然方便,可以為家居降溫之餘又降低濕度,不過缺點亦唔少。所以,喺香港呢類潮濕地區,建議大家考慮另行添置抽濕機,讓抽濕機專門做抽濕嘅工作,會有更好效率同效果,為你嘅家居儲存物品帶來更佳保障。

再者,而家好多家庭都需要使用抽濕機去吹乾衣物,呢一點又真係冇理由要冷氣機去做……想揀番部適合你家居嘅抽濕機,即睇:家用抽濕機選購Guide

 

溫馨提示:想家中物品儲存得宜,保持室內乾爽十分重要,以冷氣機配合抽濕機去調節室內濕度,你家居物品自然加強咗保障!正如Boxful嘅倉庫,亦都相當注重室內溫度同濕度嘅控制,務求大家可以放心將你最寶貝嘅物品存放喺最妥善嘅環境!

即按了解Boxful服務

——

延伸閱讀:【電器攻略】做足 冷氣機保養 ,舒適又安心!

延伸閱讀:【一機二用慳地方】具備空氣清新功能的 二合一抽濕機 推介

緊貼Boxful BlogFacebook Page,獲取更多家居生活貼士!

發表回覆

你的電郵地址並不會被公開。 必要欄位標記為 *