Blog 首頁 全部文章 【迷你箱 定 迷你倉?】雜物儲存服務全方位比較

【迷你箱 定 迷你倉?】雜物儲存服務全方位比較

admin
【迷你箱 定 迷你倉?】雜物儲存服務全方位比較

香港啲樓愈來愈貴又愈來愈細,有時屋企多咗幾件雜物就冇位放,咁點算?好在而家市面上有唔少 迷你倉 同 迷你箱 服務,可以幫助大家處理到儲存空間不足嘅問題。之不過, 迷你倉 同 迷你箱 到底有乜唔同?你應該揀邊樣?等樣我哋為你分析一下!

 

1)空間大小: 迷你倉 較大

市面上嘅 迷你倉 主要可分為大、中、小3種Size,儲存空間最細由8平方呎至30方平方呎不等,最大嘅有成70平方呎至120平方呎,即相等於小客房甚至客廳嘅面積,適合擺放雪櫃、沙發、櫃等大型傢俬、大型電器同器材等物件。

如果你想存放嘅物品以家居雜物(如衣物、書、收藏品)為多,就唔需要咁大嘅存放空間,可能三幾個儲存箱已夠放晒所有物品。

 

2)收費: 迷你箱 較靈活

迷你倉嘅儲放空間較大,價錢自然比迷你箱貴。一般小型倉嘅每月收費為$500起,中型倉就$800至$1,000左右,大型倉就約$1,500起。換言之,就算你只儲放2箱雜物,最低消費都要$500(但你其實用唔晒整個空間,變相俾多咗錢)。而據筆者所知,全港迷你倉嘅小型、中型倉其實大多爆滿,一倉難求,變相就算俾你租到,都會年年加倉租!

相比之下,迷你箱就比較划算,月費係按你租用嘅儲存箱數量計算,以「箱」為單位。譬如文件箱就約$30,儲物膠箱就約$50,掛衣箱就約$90,如果淨係放個行李箱或者嬰兒車,單件$70左右。客戶可按實際需求存放,儲存量較少的客人不用考慮能否填滿整個迷你倉,也可享用儲存服務。

值得留意的是,天氣與季節轉變對存倉需求的影響。例如在冬季時,迷你箱客人可以按箱取出厚重衣物、被鋪等,減少存箱的數目而付出更少租金,反之傳統迷你倉的客人就依舊付出相同倉租了。

 

(溫馨提示:無論你需要 迷你箱 定 迷你倉 服務,Boxful都可以為你貼身安排最適合你的儲存方案!即刻搵我哋幫手啦!)

即搵 Boxful 幫手

 

3)保安度:迷你箱 較佳

大部分迷你倉同迷你箱公司都設有保安系統,如24小時閉路電視同拍卡系統,不過好多迷你倉公司都會提供24小時自由出入服務,方便顧客存取物品,但咁亦表示每日有好多人出入倉庫,可能增加失竊機會。

迷你箱公司大多都只限自家物流團隊進出,倉庫位置保密並有保安系統,在沒有異常情況下,團隊絕不會打開儲物箱,尊重客人私隱,而其他顧客更無法接觸不屬於自己的儲物箱,保安程度更令人放心。

此外,迷你箱公司一般不設室內間隔,又會配備防火警鐘、自動灑水系統同消防喉轆等消防設備,做足防火措施。 反而唔少迷你倉設於舊式工廈,冇安裝自動灑水系統等防火設備,再加上密集式間隔令通道變窄,如果不幸發生火災,消防員就好難及時撲滅。

 

4)服務保障:迷你箱 有得賠

如果儲放物品有損毀,有冇得賠係唔少人都關注嘅問題。現時好多迷你倉都唔會為客戶投保,而且合約亦會寫明存放物品有乜損失,公司都概不負責。此外,平時租用迷你倉,公司都唔會叫客戶申報存放物品,萬一有乜事上嚟就好難追討賠償。

反觀迷你箱公司大多會為儲放物品投保(包括火險同水險),無論係收取物件時、運送途中定儲存期間物件出現損壞,都有得賠償,加上客人可以為儲放物品拍照記錄方便管理,咁可以將損失減到最低。

 

5)方便度:迷你箱 專人運送

使用儲存服務仲有一樣嘢好緊要,就係點搬啲物品去倉庫喇!傳統迷你倉公司可為客戶提供額外收費嘅搬運服務,當然你亦可以自己搵搬運公司幫你啦!但如果用以儲存季節性物品的話就不太適合,因為每次運送都增加了平均成本。

如果你連搵搬運公司都懶嘅話,咁迷你箱服務就好啱你喇!好多迷你箱公司都有上門服務,派專人運送同回收儲物箱。想取回某箱物品,唔使自已親自去倉庫拎,網上Click一Click,就會有專人將物品送上門,部分公司更提供每月免費提取一次。呢個模式會較適合生活繁忙的都市人,特別係家中有大量衣物或收藏品的人。

 

結論

簡單嚟講,如果你要存放好多大型傢具、電器或器材,就應該租用迷你倉。有部分迷你倉更特設紅酒倉、單車倉,如果你想存放呢類特定物品,咁迷你倉就比較適合。

相反,儲放物品唔多嘅一般用戶,其實用迷你箱都已夠晒,而且仲可以按你實際需要同儲存箱數量收費,預算就更靈活有彈性!

無論你需要 迷你箱 定 迷你倉 服務,Boxful都可以為你貼身安排最適合你的儲存方案!即刻搵我哋幫手啦!

即搵 Boxful 幫手

——

緊貼Boxful BlogFacebook Page,獲取更多家居生活貼士!

更多相關文章