【收納攻略】7個 收納App 幫你更有效執屋

家居收納係一項持續性長期任務,即使你屋企有工人姐姐幫手,你都少不免需要自己落手落腳去做分類、歸納、取捨等工作。坊間有好多適當嘅收納工具,以及各種收納方法同心得,都可以幫你事半工倍,其實而家有好多手機App都可以幫到手!

 

手機App 如何幫你收納?

一般香港人家居面積有限,因為要用盡每一寸,所以家中都會有好多奇形怪狀嘅收納空間,例如床底櫃、衣櫃頂、暗格之類。當大家將物品收納之後,隔一段時間想搵番某樣嘢出來就頭痛了!到底嗰樣嘢放咗去邊呢?

如果你有租用迷你倉,同樣嘅情況亦會出現。將物品放入倉時往往係Pack妤一箱箱,一旦要搵番某件物品出來時就麻煩了,究竟喺邊個箱呢?

以下介紹嘅大部分手機App都係針對所謂物品整理,可以幫助用家記錄自己屋企有啲乜嘢、放喺邊度,甚至有提醒保用期、雲端分享等功能。善用呢啲App,絕對會對你嘅收納工程有極大幫助。

以下係一啲坊間常用收納手機App推介,不妨根據自己嘅需要,先試用免費版,覺得順手合用才考慮購買付費版。

 

1)Sortly

版本:iOSAndroid

Sorty將物品管理視覺化,你可以在收納時一邊為物品影相、掃Barcode、輸入說明及擺放位置、加上Tag等,之後要搵番某件物品嘅位置,完全冇難度。你仲可以幫有保用期嘅物品標明日期、價錢,同時Scan埋保用證同單據。留意免費版只可以記錄100項物品。

 

2)Magic Home Inventory

版本:Android

呢個App利用「屋企/房間/物品」由上而下嘅架構去幫你整理、記錄物品,而且可以向下無限延伸,即係「房間」之下可以再設定不同嘅「櫃」、「箱」,甚至「櫃中有箱」,令物品位置更加清晰。無論係搬屋裝箱時用,或者配合迷你倉用,都十分方便。

 

3)Memento Database

版本:Android

呢款App本身並非針對家居物品.可廣泛應用於任何資料整理,但用嚟做收納App一樣冇問題。佢勝在有幾千種範本,唔難搵到一個可以適合做家品管理。你可以用顏色分類,並自定欄位為物品輸入各種資料,而且仲可以搜尋、篩選,匯出做Google Sheet,或儲存到雲端同家人分享使用,又有Desktop版本可配合做整理,實在有無限可能性。注意免費版嘅雲端儲存空間只限50MB。

 

4)Nest Egg

版本:iOS版

Nest Egg讓你利用掃描Barcode快速建立收藏品清單,可為你自動輸入產品資訊,最適用於影碟、書本、紅酒等等,當然亦可以手動輸入、編輯物品資料,仲可以設定保用資訊及續保提醒,每件物品可以拍攝多達10幅照片。用AirPrint或Email可以匯出物品清單作列印,簡單方便。付費只是一次過(US$4.99),唔使年年俾錢,都幾抵用。

 

5)Smart Inventory System

版本:Android

呢個App亦是用QR Code或Barcode建立物品資料庫,之後一掃描就可以打開物品資訊頁面,隨時編輯物品名稱、標籤、自定欄位,有最愛清單、語音搜尋等功能。資料可備份到雲端並自由匯出匯入。

 

6)MyStuff2 Pro

版本:iOS

呢款App同樣有掃Barcode、自動輸入物品資訊功能,又可自訂資料夾做分類,十分適合用於收藏品整理。物品資料可以同步到其他裝置,匯入匯出資料都相當方便。

 

7)Get Rid of It

版本:iOSAndroid

呢個App幫你養成「斷捨離」嘅好習慣,挑戰你喺未來30日,第一日丟棄1件物品、第二日丟棄2件物品、第三日3件……直到第30日。你要記錄低丟棄咗啲乜嘢,可分享到社交平台。如果你決定唔到有乜可以丟,個App有好多貼士可以幫到你!

 

同場加映:Boxful App

版本:iOSAndroid

如果你有使用Boxful嘅服務,咁就Very Good喇!因為你可以隨時使用Boxful手機App,輕鬆管理你嘅儲存物品,可為物品拍照及建立清單。你又可以透過簡單步驟,預約時間安排派送及收取,讓你安坐家中都可以取回儲存物品。個App仲可以用來付款、檢視帳單等,真係一App搞掂晒!

如果你仍未使用Boxful服務,都可以Download個App了解多啲,然後直接用個App開始揀選服務及預約!無論你只係需要一個箱嘅額外空間,抑或你需要多個儲物房,Boxful個App都可以幫到你!

下載iOS版 下載Android版

——

延伸閱讀:【儲存漫談】雲端 儲存 Vs 迷你箱

延伸閱讀:【一文睇晒】額外儲存方案: 迷你倉 迷你箱 Q&A大百科

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *