【儲存攻略】租用 迷你倉 的7大伏位

租用迷你倉嘅客戶,係希望 迷你倉 可以幫佢哋解決一啲問題,如家居空間不足、收藏物品繁多等。但好多時喺柤用過程中,迷你倉反而會帶來更多問題,不少人都曾經中伏,遇到不快經驗。不過,只要你事先知道啲伏位喺邊,租用前加倍留神,自然可以趨吉避凶,安心入倉!

 

1)預繳優惠的伏位

好多迷你倉都會提供預繳優惠,例如預繳3個月、半年或一年租金,就可享有租金折扣,由最低95折甚至去到5折都有,聽落相當吸引。不過,呢啲預繳優惠有兩個伏位。首先,即使你預繳咗,預繳期內迷你倉方面都可以隨時調整租金原價(當然係有加冇減啦),到時就會要求你補番差價。另外,如果你想喺預繳期內退倉,你已經預繳咗嘅租金一般都係冇得退番!

 

2)額外收費的伏位

好多迷你倉除咗基本月費、按金之外,喺你租倉之時仲會衍生好多額外收費,例如:登記費、鎖頭費、智能卡費等等。如果你需要向迷你倉購買包裝物品(如紙箱、膠紙等),又或者要用佢哋嘅搬運服務,涉及嘅費用自然更多,而且價錢亦往往比市價略高。所以喺租用前,要了解清楚所有收費項目,同衡量自己是否有需要用相關服務。

 

3)樓底高度的伏位

迷你倉通常以實用面積去劃分租金,如8平方呎、12平方呎、20平方呎等。但不少客戶忽略了迷你倉的樓底高度亦影響儲存量。因為倉內通常會以箱疊箱咁向上儲物,若實用平方呎相同,樓身愈高自然可以儲物更多;換句話說,樓身低,可能是某些迷你倉租金較平的原因。好多迷你倉並冇特別標明樓高,就算有標明,租用前最好亦親身到倉視察確認,因為迷你倉間隔的頂架高度才是真正的可用高度。

 

4)泊車的伏位

大部分迷你倉都位處舊式工廠大廈,即使話有泊車位,但一般都係有限數目,而且日間多數被佔用,有等於冇。如果你入倉時自行駕車,搵車位停泊會係一大難題。選擇泊到就近停車場,一樣係會搬餐死;選擇周街泊,不幸被抄牌就等同倉租加幾百。最理想係迷你倉身處工廠大廈有充足車位,不過真係可遇不可求。

 

5)自動續約的伏位

一般迷你倉會於租約到期前,以電話或短訊通知客戶,如客戶未按時提出終止服務或未有辦理退倉手續,好多迷你倉都會當你自動續約。所以,若打算到期退倉就要特別留意相關手續嘅規定,例如有啲迷你倉有指定嘅終止服務通知期,如果通知期不足有機會向你收取1個月正價月費作為代通知金。

 

6)保險的伏位

市面上大部分迷你倉都冇為客戶存放嘅物品購買保險。即使迷你倉有買商業綜合保險、水火險或第三者責任保險,但一般只係保障迷你倉本身嘅財產設備,而客戶寄存嘅物品一般不屬保障範圍內。第三者責任保險方面,所指嘅第三者並不包括迷你倉客戶,所以客戶喺迷你倉內因意外導致財物損失或人身傷亡並不承保。好多時迷你倉表示佢哋有買保險,唔代表你所存放嘅物品有買保險,要搞清楚。

 

7)消防安全的伏位

自從2016年迷你倉大火之後,好多迷你倉都標榜符合消防處規定。但事實上,消防處近年巡查數字顯示,仍然有高達8成迷你倉存在火警危險。部分收到「消除火警危險通知書」嘅迷你倉,因要在限期內完成消防處嘅相關規定,於是急忙改建,好多客戶因而臨時被通知要搬倉;亦有迷你倉自知做不到消防處要求,決定結業,同樣令不少客戶被迫搬。因此喺租倉前,應向迷你倉查閱消防處向之發出的符合消防安全施信件副本,免除後顧之憂。

 

相比起傳統迷你倉,Boxful一系列嶄新嘅服務,可以為你避開以上種種問題,等你可以無憂無慮咁放心儲存!Boxful有齊晒逐個箱計嘅上門迷你箱,亦有按面積計算嘅上門迷你倉,同時仲有俾顧客自己進行儲存嘅自助迷你倉,令你有更彈性選擇!

即按了解Boxful服務

——

延伸閱讀:【我的 迷你倉 血淚史】4大迷你倉煩惱

延伸閱讀:【 消委會 報告】租用迷你倉服務的注意事項

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *