【趁暑假搞裝修】夏天 家居裝修 5大注意事項

為咗改善居住環境,香港地好多人都捨得一擲千金裝修屋企,不少家庭亦會趁暑假期間搞 家居裝修 。不過,夏季天氣炎熱又潮濕,如果裝修上有啲事唔小心處理,好容易引起種種問題。如果你正準備呢個夏天幫屋企大翻新,Boxful提提你一定要留意以下5個注意事項!

1)防起火

唔少室內裝修常用嘅材料都屬於易燃物品,例如油漆、木地板、木吊頂同塑料製品等,而且裝修時不免會堆積大量木屑同漆垢。夏天又熱又焗,如果室內空氣唔流通,又堆放大量裝修物料,就有可能因為室內氣溫太高而失火。所以夏天裝修時要記得將裝修物料放喺陰涼處,遠離明火,保持空氣流通,仲要定時清理木屑呢類易燃物,以免引起火災。

2)防甲醛

裝修常用材料如木製產品、塗料同埋新傢俱都含有高甲醛,如果長期吸入有可能引起慢性呼吸道疾病,嚴重嘅更會誘發癌症同細胞核基因突變等。最麻煩嘅係甲醛需要長時間至可分解,而且隨住氣溫上升,甲醛釋放嘅速度就愈快。所以夏天裝修最好喺少人留喺屋企嘅時候動工,而且要開啟抽氣扇,確保室內空氣流通。此外,含有甲醛黏合劑嘅傢俬,最好先放喺戶外吹風幾日至搬入室內。

3)防冷氣滴水

香港嘅夏天又熱又焗,自然想長開冷氣,不過長開之前記得檢查下冷氣機係咪仍運作正常。太耐冇開過嘅冷氣機,剛開時可能會因為閒置太耐而發出噪音,通常過多2、3日就會回復正常。仲有一樣嘢好重要,就係留意冷氣機有冇滴水嘅情況,有就要快手維修或更換新冷氣,以免造成滴水滋擾。冷氣機滴水仲會觸犯法例,一經定罪,最高可判罰成萬元罰款!

4)防潮防變形

夏天不時打風落大雨,令空氣變得潮濕,呢個時候裝修如果唔好好處理木材、石膏板呢類吸水材料,好容易會受潮;到天氣變得乾燥時,材料中嘅水分就會揮發,好容易出現木材變形、牆面出裂縫、油漆起霧等問題。所以一定要搵專業嘅裝修師傅做足防潮措施,避免變出現裂痕變形嘅情況。

5)防發霉

香港嘅夏天炎熱又潮濕,除咗容易令裝修物料受潮外,仲好容易產生霉味添!好似油漆工程常用嘅乳膠漆,就會乾得冇咁快,時間一耐就好容易產生霉味。想去除霉味,記得挑選有防霉功能嘅乳膠漆,先油一層加入防潮油嘅底漆,然後至再髹面漆。此外,保持房間乾爽同埋開空氣清新機或抽濕機亦都好重要。想再經濟實惠啲,可以將石灰同竹炭製成防潮袋,放喺屋企角落,都一樣有助防潮吸味!

 

家居裝修咁大陣仗,難免都要將家中傢俬雜物搵地方暫時儲存,先至可以事半工倍。Boxful喺呢方面絕對可以幫到你!除咗提供迷你箱幫你暫存雜物之外,就連大型傢俬家具,我哋都可以有迷你倉服務提供到,即刻搵我哋幫手啦!

即搵Boxful幫手

——

緊貼Boxful BlogFacebook Page,獲取更多家居生活貼士!

 

Leave a Reply

Your email address will not be published. Required fields are marked *