【家居整理攻略】 客廳收納 5大技巧

一個睇上去又闊落又光猛嘅客廳,係好多人嘅夢想家居。但無奈大家屋企雜物太多、空間太細,令客廳好難布置得整整齊齊;有時好想自己落手DIY做好 客廳收納 ,又不知可以從何入手。就等Boxful教教大家 客廳收納 5大技巧,令你簡單擁有雙倍客廳空間啦!

 

1)利用牆身作為收納空間

客廳通常會有兩種儲存大櫃:書櫃同電視櫃。電視櫃好多時都會靠牆式擺放,且依着牆身向高空發展,大大增加收納空間,令物品整齊有序。不妨將格仔式嘅收納靠牆擺放,不但節省地面空間,亦能增加視覺美感;利用整體牆面打造出整齊同乾淨嘅空間設計感覺,客廳馬上變得有寬闊感。

 

2)善用其他傢具增加儲存空間

如果你嘅客廳永遠堆滿雜物,又唔知可以將佢哋放去邊,咁即係你應該添置新傢具。而家好多沙發、茶几等都設有隱藏式嘅儲物空間,一物二用,可以為你創造出唔少額外收納空間。你可以塞晒啲雜物入去,外表睇一啲都唔會雜亂。

 

3)利用收納籃、收納箱、收納架

家中有細路仔,就會發現佢哋啲物品經常一地都係,有啲玩具四圍劈又成日搵唔番,相當討厭。事實上,好多小物品諸如玩具、電器配件、文具等係比較難收納,一放入櫃桶又會唔記得放咗去邊。所以,不妨好好利用啲不同大細收納籃、收納箱,一格一格分門別類咁放置呢啲零碎物品,必要時在外面貼上標簽,再統一放在收納架上。客廳就不會再雜亂無章啦!

 

4)設置簡單大層架

客廳始終都需要一個簡單嘅層架,可以放下相框、書本、遙控等,以至一啲裝飾性小擺設(如盆栽、公仔、小魚缸等)。一個造型簡約嘅層架放在客廳,不但有收納用途,亦係一個展示場,可以盡顯屋主嘅愛好同性格,絕對不容忽視。

 

5)整理電線

雜亂電線散落喺地上既不安全,仲會令整體空間又亂又污漕。建議大家可以用安全尼龍帶、電線套或電線收納盒(如圖),將所有電線收納,以增加地面空間同安全性。(了解更多:【 電線收納 】3大秘訣令你家中電器不再亂糟糟

 

做好以上5大技巧,你嘅客廳自然會整潔、乾淨、光猛,空間感大增,人都舒服啲啦!如果客廳實在太多雜物,你又唔捨得扔?咁就搵Boxful幫你手啦!

即搵Boxful幫手

——

延伸閱讀:【家居整理攻略】為你 增加空間 的10大技巧

延伸閱讀:【 租屋 小貼士】唔使大裝修都可以擁有北歐風

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *