【儲存貼士】 家居儲存 的7大危機

無論你係宅男抑或購物女王,買到一屋都係收藏品自然係人生一大滿足!不過你亦要面對一大問題:如何將你啲寶貝同珍藏儲存得最妥善?即使你家居有足夠儲存空間,但好多時大家都會忽略咗 家居儲存 嘅一啲潛在危機,分分鐘會令珍藏品受到無可挽救嘅損害,一失足成千古恨!

 

危機(1)高溫

近年夏季酷熱天氣頻頻出現,日間家居冇人而冇開冷氣、冇開窗通風,喺溫室效應之下,室內分分鐘可以有成攝氏40度以上!若儲存位置或房間溫度過高,對好多類型嘅物品都會有好大危機。例如塑膠製玩具模型,長期存放喺高溫之下有機會變形、出油,如果嗰盒係絕版玩具就真係會喊出嚟!而女士們嘅衣物、飾物、皮包等,都不宜存放喺高溫之下。

預防方法:冷氣。為咗保持儲存位置或房間有穩定嘅溫度,你甚至要考慮日間長開冷氣,將溫度設定喺攝氏24度。

 

危機(2)陽光

如果你家居嘅儲存位置附近係有窗,就要小心有陽光直射。同高溫危機類似,好多珍藏物品都好忌被陽光射到,除咗會直接提升咗室溫之外,亦有機會令紙製品、膠品、皮革品等等變色變形。

預防方法:盡量將儲存物品移離有陽光照射到嘅地方,而相關房間最好以厚窗簾布遮光。

 

危機(3)潮濕

香港春夏天氣潮濕,有時甚至會潮濕到牆身、地板出水!可想而知,潮濕係儲存品嘅最大敵人!書籍、黑膠碟、皮革等物品喺潮濕環境之下,容易發霉;衣物太潮濕,又會滋生衣蟲。總的一句,儲存物品的地方一定、一定、一定要保持乾爽,否則儲存品危矣!

預防方法:(1)利用各種抽濕物品(吸濕盒、活性炭等),置於儲存空間之內;(2)利用抽濕機為儲存物品之房間保持乾澡;(3)開冷氣亦可以同時有抽濕之效果。

相關閱讀:【不必花大錢】經濟又環保的 防潮吸濕 用品DIY

 

危機(4)水災

家居何來「水災」?有時啲嘢真係好難講,無妄之災真係會發生。就好似超強颱風「天鴿」、「山竹」襲港之時,有朋友家居窗戶被吹至爆裂,本來嘅書房頓時變成澤國,好多藏書都救唔番。亦試過有朋友家居因樓上爆水管,牆身內嘅水管不斷漏水滲到樓下他的單位內,令牆同櫃都濕透。另一例子是因樓下單位嘅冷氣機風口長期對着天花板吹,以至樓上單位嘅地板因溫差而出水……

預防方法:防不勝防,自求多福。

 

危機(5)蟲災

因家居潮濕而滋生蟲患,如塵蟎、蟻、書蟲、衣魚、蟑螂等,都會對你嘅收藏物品造成一定程度的破壞。有朋友就試過,打開一盒很久沒有開啟過的Figure玩具後,發現內裏布滿蟲屍,而公仔的衣服亦已被蛀得體無完膚……

預防方法:做好家居防蟲工作,保持室內環境乾爽。

相關閱讀:【 防蟲 攻略】家居害蟲防治:最緊要乾爽!

 

危機(6)寵物

如果你有養貓,實在不宜喺家居儲存珍藏品;應該話,任何你喺家居擺放出來或收埋嘅物品,你都要預咗會被貓破壞嘅一日。狗狗亦然,有時狗仔興奮起上來,或者喺家中無人之時,撞爛咬爛一屋物品常會發生!唔可以怪佢哋,因為佢哋亦唔係存心破壞,只係天性如此。

預防方法:養寵物前請三思;或要將寵物與收藏品完全隔離在不同房間。

相關閱讀:【狗奴貓奴注意】 寵物家居 的清潔與收納貼士

 

危機(7)不速之客

所謂「不速之客」,未必係賊仔、竊匪咁嚴重嘅!大家時不時會見到一啲例子:有小孩子到訪家居,見到主人家一櫃都係模型,實在興奮,就一手去攞,結果……輕則損傷一兩件,重則成個櫃啲模型冧晒亦有!

預防方法:唔好請朋友去你屋企。

 

另類解決方案

想妥善保存你嘅珍藏品或寶貝,其實你可以考慮將一啲比較少會攞出嚟嘅收藏,以迷你箱嘅方式儲存。迷你箱嘅儲存環境,除咗保安嚴密、防火防水之外,亦有恒常溫度同濕度控制,絕對唔會遇上以上種種危機!如果你物品較多,幾個箱都唔夠裝,亦可以考慮用迷你倉嘅方式儲存,一樣經濟又妥善!

即按了解Boxful服務

——

延伸閱讀:關於家居收納的 10本好書

延伸閱讀:【 蝸居 實用攻略】令家居有更大空間感的12個貼士

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *