Blog 首頁 全部文章 【迷你倉攻略】如何節省 迷你倉 空間及租金?

【迷你倉攻略】如何節省 迷你倉 空間及租金?

Minger
【迷你倉攻略】如何節省 迷你倉 空間及租金?

愈來愈多香港人租用 迷你倉 去獲取額外空間、儲存家居雜物。租過迷你倉嘅人一定知道,租金多少係由迷你嘅面積去決定,租個倉愈大自然愈貴。咁點樣先可以盡量節省迷你倉空間,唔使俾咁高租金呢?等Boxful教你幾招啦!

 

1)先收拾,後租倉

好多人唔理三七廿一,走去租咗個倉先,單憑感覺或粗略估計,求其揀咗一個Size,結果會有兩種可能性:一係租咗個倉太細唔夠擺,一係租得大得滯浪費金錢。所以,你應該先收拾好要放入倉嘅物品,最好用統一Size嘅紙箱或膠箱裝好,咁你就可以準確計算大約需要幾多空間,進而揀個最適合面積嘅迷你倉。

 

2)向高空發展

剛剛建議你用統一Size嘅紙箱或膠箱去盛載物品,因為咁樣你可以將佢哋疊高疊起,向高空發展,自然可以減少迷你倉所需面積。所以你租倉時,除咗留意面積,仲要留意埋個倉嘅高度,睇下可以疊到幾高。每個迷你倉嘅樓底高度都不同,而且天花亦往往有防火或照明設備,未必可以用盡高度,因此你要實地觀察。另外要注意,將一啲重嘅物品放底層(如書籍等),而高層就應放置較輕嘅物品;疊箱之時亦要注意安全呀!

 

3)利用儲物架整齊規劃

以上用紙箱或膠箱疊高存倉有個缺點,就係如果日後你要在某一個箱攞番某樣物品,就會比較麻煩。所以如果你所儲存嘅物品係隨時有機會要取用,你應該將個迷你倉當做雜物房咁規劃,考慮喺入面設置一啲儲物架,咁樣可以既整齊儲物、又方便個別存取。建議用一啲可以自由組合Size嘅儲物架,既方便日後拆走,亦可用盡倉內每一吋。

 

4)定時減物

如果啲雜物入咗倉之後,有入冇出,你需要嘅儲物空間只會愈來愈多,遲早爆倉!所以,定期去你個迷你倉進行檢討收拾,係一個好習慣。有啲儲喺度好耐又真係冇乜意義嘅物品,其實只係徒然浪費倉租。小數怕長計,想慳租金,就要有放棄物品嘅智慧同決心!

 

講到節省倉租,Boxful一定幫到你。因為你可以用最少嘅金錢,按你嘅儲存需要只租用一個或幾個迷你箱,又或者按所需面積租用迷你倉,仲有自助提存倉俾你選擇,絕對唔怕俾多咗倉租!馬上了解我哋嘅不同服務啦!

即搵Boxful幫手

——

延伸閱讀:【儲存服務點揀好?】精明選擇 迷你倉 10大貼士

延伸閱讀:【儲存攻略】我需要租用 迷你倉 嗎?

緊貼Boxful BlogFacebook Page,獲取更多家居生活貼士!

更多相關文章