Blog 首頁 全部文章 【收納的第一課】自小培養孩子要 執屋

【收納的第一課】自小培養孩子要 執屋

Minger
【收納的第一課】自小培養孩子要 執屋

所謂「三歲定八十」,好多習慣都係自小培養出來。有啲父母發覺仔女大個咗之後,唔願意 執屋 ,從不收拾房間家居,甚至有啲唔好嘅個人生活習慣,都係因為錯過咗自小培養嘅先機。如果你仔女仲細,咁就要好好掌握關鍵期,早日教導佢哋自行收拾嘅好習慣。

培養孩子 執屋 5部曲

小孩子喺1歲至3歲之間,會從生活體驗之中不斷學習,養成好多生活能力同習慣,可以話係一個學習黃金期。父母要好好把握呢段時期,做好以下幾點:

1)善用歸屬感

2歲左右嘅孩子,會開始對物品有歸屬感,而且仲會堅持物品所屬,例如知道邊件衫係邊個嘅、邊樣嘢要放去邊度之類。父母應趁呢段時間,鼓勵孩子將自己用完嘅物品放回原位。

2)感受成功感

試試叫幼童幫你搵嘢,然後又幫你放番啲嘢去原位,呢個練習令小朋友熟悉物品有固定位置。做完之後要給予鼓勵或小獎勵,等佢感受到有成功感,增強自信心。

3)布置好環境

始終孩子能力有限,佢冇可能幫你整理成間屋,應該喺佢能力範圍內,劃定俾佢收拾嘅環境。如果有佢專用嘅玩具箱、書架,記得要適合孩子嘅身高,同埋要方便開合,確保安全。

4)培養責任感

適量將家中一兩件小任務,託付俾小朋友,等佢明白乜嘢係責任,例如簡單的摺衫之類。

5)莫強求結果

孩子對整潔嘅睇法可能同父母有不同,甚至有啲孩子可能會有少少潔癖。父母不宜馬上去更正,應先予肯定同鼓勵。記住:過程比結果重要。

 

總而言之,就係作為父母,要自小就俾仔女有機會去學習,而唔係乜都幫佢哋做晒、執晒。今時今日好多家庭有外傭姐姐幫手,孩子接觸家務的機會大大減少,咁反而唔係好事。佢哋因為從小冇收拾過家居,他日大個咗亦自然冇呢個習慣,甚至係欠缺咗自行收拾嘅能力!所以,家長們,真的要抓緊時機,讓孩子學習生活。

溫馨提示:如果你一屋雜物,執屋時又遇到有空間不足問題,Boxful可以幫到你喎!無論你只係需要一個箱嘅額外空間,抑或你需要多個儲物房,Boxful唔同嘅Plan總有一樣啱你用,即刻睇睇啦!

即按了解Boxful服務

——

延伸閱讀:【老公 Vs 老婆】邊個先係 儲物狂 ?

延伸閱讀:【一屋玩具點樣執?】培養孩子自小就懂得 玩具收納

緊貼Boxful BlogFacebook Page,獲取更多家居生活貼士!

更多相關文章