Blog 首頁 全部文章 【媽媽必讀】年尾 大掃除 唔想自己一個做晒?搵全家幫手啦!

【媽媽必讀】年尾 大掃除 唔想自己一個做晒?搵全家幫手啦!

Minger
【媽媽必讀】年尾 大掃除 唔想自己一個做晒?搵全家幫手啦!

如今做阿媽真辛苦!又要返工,又要湊細路,又要煮飯,仲要打掃屋企……就算你有工人姐姐幫手,都一樣要Mon實佢做,有時仲勞氣過自己做!而且,又完全唔會有人多謝你!話時話,農曆新年就快到,你又要主理全屋 大掃除 任務,但係老公又懶理自己顧住打機,叫啲細路幫手又叫唔郁,唔通真係要自己做晒?等Boxful教你幾招,逐個擊破,等你屋企大大細細都自願幫手大掃除啦!

 

1)12歲以下小朋友

對於又冇乜力又唔識做嘅小朋友,最好就叫佢哋學習收拾自己嘅玩具。可以教佢哋簡單嘅分類同收納技巧,咁起碼玩具方面你唔使再多花時間,由佢哋自己搞掂。教識佢哋收納,其實係一項「教育投資」,等佢哋對個家有更多認識同更有歸屬感,亦都更懂得照顧自己。

相關閱讀:【一屋玩具點樣執?】培養孩子自小就懂得 玩具收納

 

2)中學生子女

呢個年紀嘅子女進入青春期,往往希望父母俾多啲私人空間佢哋,唔好管佢哋咁多。針對呢一點,想令到佢哋主動幫手打掃,就要先俾佢哋一啲「自主權」!請佢哋由自己嘅房間做起,俾佢哋自行規劃房內物品如何擺放;同時俾佢哋知道,只要佢間房平時收納整齊、打掃乾淨,咁大人就唔會成日「闖」入去「搞」佢哋啲嘢,於是佢哋就可以擁有完全嘅私隱!

如果佢哋太多唔捨得丟嘅物品堆喺房內,例如細個時嘅玩具、書本,呢啲「回憶」係值得保存,不妨好好利用儲存箱。重點係,要佢哋親自將要保存嘅物品放入箱內,封箱後等佢簽番自己個名,自己負責番個箱,唔會有其他人搞。他日佢哋想攞番箱內物品,隨時都可以。

 

3)大學生子女

做咗大學生嘅子女,已經有自己性格。如果佢哋係整潔自律型,咁佢哋會自動自覺整理同打掃自己間房,你根本不用費心。但如果你子女係習慣亂糟糟,咁你日哦夜哦都係冇用,索性大掃除時,俾兩個紙箱佢,要佢將唔再用嘅課本、唔再著嘅衫,全部放晒入去,然後叫佢自己幫間房吸一次塵。一年只係要佢做一次,佢都應該會乖乖就範嘅。

 

4)爸爸 / 老公

仔女爸爸(即係你老公)好多時都係「大唔透嘅細路」,你試下用對付細路嘅方式去對付佢,效果往往出人意表!

好多爸爸都有個書房/工作室,同樣要佢自己做好書房嘅收納,將書本分類擺;而買番來一直都唔會睇嘅書(或者一直唔玩嘅玩具),叫佢「乖乖」使用儲存箱去擺放,唔使俾啲書喺屋企發霉、生書蟲。

 

家人各自打掃好自己房間之後,基本上大掃除進度已經超過一半啦!主人睡房爸爸都有份嘅,梗係要佢負責番自己個衣櫃。另外需要搬開大件、重型傢俬先可以清理到嘅地方,都要佢幫手先得。至於客廳係大家都有份用嘅,依照家庭成員各人嘅能力,分成幾個區域各自負責打掃一部分,咁樣其實好快就做好!剩底要你(媽媽)負責嘅,就只有一部分客廳、主人房你個衣櫃,同埋廚房……輕鬆!

相關閱讀:【女士們必讀】收納整理5部曲,令 化妝枱 重見天日!

相關閱讀:【收納小貼士】 鞋櫃 唔夠大?女生創意收鞋大法

大掃除之後,全家人出街食番餐好嘅,「慰勞」一下大家。一來你可以煮才一餐,二來剛剛打掃好嘅廚房可以保持新淨,迎接新年!

總括而言,大掃除唔係難事,只要家中成員大家都各自管好自己嘅生活範圍,對自己嘅生活表現出負責任嘅態度,一個美好嘅家居其實自然會出現而且歷久常新。

 

溫馨提示:在處理雜物方面,也許你會需要額外儲存空間,咁就不妨搵Boxful幫你手!無論你需要迷你倉服務,定係更彈性嘅迷你箱,Boxful都可滿足到你嘅需要!

即搵 Boxful 幫手

——

延伸閱讀:【過年 大掃除 ,唔想臨急抱佛腳?】馬上學習德國人「無意識打掃法」15式

延伸閱讀:【儲存攻略】 節日用品 阻地方,「一節一箱」幫到你!

緊貼Boxful BlogFacebook Page獲取更多家居生活貼士!

更多相關文章