【雜物多易鼻敏感】家居 空氣清新機 選購攻略

家中太多雜物不但浪費空間,而且惹塵又難打掃,好容易引起鼻敏感或者哮喘等疾病。想改善家居空氣質素,最簡單直接嘅方法就係買一部 空氣清新機 淨化空氣。等Boxful為大家講解下選購空氣清新機有乜要注意,俾大家做個參考!


選購 空氣清新機 4個注意事項

1)CADR愈高愈好

挑選空氣清新機,第一件事就係睇清楚機身標明嘅潔淨空氣量CADR(Clean Air Delivery Rate)。CADR反映出空氣清新機嘅淨化能力,數值愈高,代表淨化速度愈快,性能愈好。

2)按需求選擇類型

空氣清新機可分為負離子、高效能塵網同活性碳等幾大類,主要針對唔同污染物,好似活性炭濾網就適合除臭。如果想改善鼻敏感、哮喘同咳嗽等症狀,咁就要揀具備HEPA濾網嘅空氣清新/淨化機,以隔絕空氣中嘅PM2.5懸浮粒子同過敏原等。

3)留意適用面積

適用面積表代表空氣清新機嘅可使用範圍。如果你只係想喺自己房用,咁細細地一部座枱式空氣清新機都夠用。但如果你要放喺大廳,就要買一部適用面積較大(約50平方米)嘅座地式空氣清新機。唔同廠商會用唔同方法推算適用面積,所以唔適合直接比較,不過如果真係想有效改善全屋嘅空氣質素,一部機其實都唔夠用,大家要考慮買多過一部。

4)過濾網成本

空氣淨化機嘅過濾網/過濾器用到咁上下就要更換,所以買嘅時候要問清楚過濾網嘅成本,或者有冇配送過濾網供替換(買一套過濾網動輒幾百元)。有部分空氣淨化機雖然價格便宜,但每年都要定時換過濾網先會持續有效,總費用反而比一啲價錢貴但過濾網夠耐用嘅機款更高,變相平買貴用。

 

流行空氣清新機牌子推介

座枱式空氣清新機

Dyson:此品牌的空氣淨化風扇系列有多款型號,具備空氣淨化、風扇功能,部分更有冷暖風功能,故價錢較貴,約$3,800 – $6,500。(參考官網

Dyson Pure Hot+Cool Link™

 

德國寶:價錢約$1,750 – $2,000,適用面積為10-25平方米(約160-270平方呎)。(參考官網

German Pool PUT-40S

 

Philips:價錢約$1,500 – $2,000。(參考官網

Philips AC4026/00

 

座地式空氣清新機

Panasonic:F-VXK70H 零售價$4,980,適用面積為560平方呎。呢個型號曾喺消委會嘅測試中獲得最高分,而且廠商聲稱原裝過濾器可以10年至換一次,減低咗過濾器成本。單位面積較細嘅朋友可以揀番同系列,但適用面積較細嘅型號。(參考官網

Panasonic F-VXK70H

 

Daikin大金:二極能空氣潔淨機,價錢約$3,400,適用面積為46平方米(即約495平方呎),買機仲附送5塊集塵過濾網更換。(參考官網

Daikin MC70LBFVM

 

IQAir:瑞士研發製造嘅知名牌子,價錢為$11,900 – $14,500,適用面積23坪(約818呎)。(參考官網

IQAir HealthPro 250

 

Sharp:適用面積為30 – 40平方米,最大高達62平方米(約667平方呎),價錢為$2,500 – $4,000不等。(參考官網

Sharp FP-H50A

 

無印良品:適用面積為49平方米(約527呎),售價為HK$3,580。(參考官網

MUJI Air Purifier

 

治標:減少家中雜物

最後都要提提大家,雖然而家嘅空氣清新機功能愈來愈強勁,但如果屋企長期擺放大量雜物,都係好容易積塵,容易引起鼻敏感,始終都係治標唔治本。

所以,要徹底解決家居多塵同空氣質素問題,除咗要加強注意家居清潔之外,減少家中堆積雜物都好重要!而最好的方法,就是將平日甚少用甚但又不想捨棄的雜物,裝箱另外儲存,咁樣做仲可以增加你家居室內空間添!建議你可以考慮用迷你箱的方式存放,不妨即刻搵Boxful幫手!

即搵 Boxful 幫手

——

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *