【迎接夏日】 冷氣機保養 貼士:提升效能更耐用

冷氣機雖然多數於夏天使用,但其實等到夏季你先發覺部機有事已經太遲,全年嘅保養係相當重要。平日 冷氣機保養 功夫做得足,唔單止可以提升冷氣機嘅效能,仲可以延長佢嘅夀命!等Boxful醒你幾招保養家居冷氣機嘅小貼士。

貼士1)冬天都要開冷氣?

如果你部冷氣機有埋暖氣功能,咁當然你冬天都會開,全年運作可以令部機保持效能。但即使部機係只得冷氣,都建議你喺冬天期間,間唔中開下部機,等部機可以Keep住有運轉,維持番機件性能。

 

貼士2)貼多層隔塵網

隔塵網對冷氣機嚟講相當重要,其實喺夏季期間,必須定時將隔塵網拆出來清洗,最好就每兩星期一次。另外,可以考慮喺原有嘅隔塵網上面,再自行貼多一塵過濾網,咁樣可以隔走更多灰塵;記住過濾網一污糟咗就拆走丟棄,經常更換,保持入風位暢通。

 

貼士3)冷氣機清潔劑

踏入夏季前,最好自行為冷氣機清潔一次。市面上有售好多冷氣機清潔劑,一般嚟講只要跟足指示做,唔會有乜大問題,極之方便。最緊要記住清潔前要關上電源(最好拔埋插頭),同埋有電路板嘅面板要用保鮮紙或膠袋將有包實,唔好俾清潔劑或水噴到。

 

貼士4)室外保養

無論係窗口式冷氣機定分體式冷氣機,外露於室外嘅機身都有需要做定期保養及清洗,但呢一方面就要搵冷氣師傅做。但你要注意,機身周圍唔好有雜物,一定要保持通風。

 

貼士5)善用「吹風」功能

喺你清洗完隔塵網或成部冷氣機之後,準備好迎接長開冷氣嘅夏日,建議你先開着冷氣機,不製冷只吹風大約兩小時。咁樣可以將機內餘下嘅水氣吹乾,預防發霉。另一方面,喺進入冬季前,都應該咁樣俾部冷氣機吹吹風,徹底除去機內嘅濕氣。

 

想學更多家居貼士?記得緊貼Boxful BlogFacebook Page!如果你需要額外空間去儲存家居物品,Boxful嘅各類型儲存方案,一定可以幫到你!

即按了解Boxful服務

——

延伸閱讀:【一機二用慳地方】具備空氣清新功能的 二合一抽濕機 推介

延伸閱讀:【回南天殺到】地板濕𣲷𣲷?6招保乾爽

Leave a Reply

Your email address will not be published. Required fields are marked *