【 租喼 去旅行?】全港 行李箱租借 服務攻略

相信唔少人都試過,去旅行臨出發前至發現行李箱壞咗,又或者尺寸唔啱,搞到要臨時臨急問親友借喼。香港人雖然熱愛旅行,但行李篋價錢往往過千元又「掗拃」,總不能每次外遊就買個新喼。近年就有公司就睇準呢點,提供唔同品牌行李箱嘅出租服務,慳錢之餘,最重要嘅係唔怕屋企冇空間存放。Boxful今次就同大家剖析下市面上唔同公司嘅 租喼 服務,幫你搵出邊間最啱你!

 

1)JOYO租遊(Rent-a-Suitcase租遊列國)

「租遊列國」算係香港較早開始提供 租喼 服務嘅公司,主要提供著名品牌不同系列嘅行李箱,包括好多明星都愛用嘅Rimowa、世界最大行李箱品牌Samsonite同德國經典品牌Travelmax。呢類行李箱原價高達$5,000 – $8,000,但而家只需每日約$45 – $90就可以租到。

租喼時記得要提早至少3日網上預約,再用信用卡網上或親臨店舖付款。由於「租遊列國」唔包上門服務,所以租客一係要親自落銅鑼灣攞喼,一係就要俾多$100速遞,相對冇咁方便。不過,好在「租遊列國」本身亦有唔同優惠折扣,租金滿$300即享免來回運費,如果租期較長,亦有8折 – 9折優惠。

網站:www.joyo.world

Facebook:www.facebook.com/joyo.world

 

2)租喼JoGeep

「租喼JoGeep」提供多個品牌行李箱出租服務,包括American Tourister、Delsey、Lojel同Rimowa等,大喼(29吋 – 32吋)、中喼(26吋 – 27吋)同細喼(22吋)都有,款式多多。日租為$30 – $80不等,可透過銀行轉賬、PayPal或現金付款。

有別於一般出租行李箱公司要求客人支付過千元按金,「租喼JoGeep」唔收取按金,只係要求客人必須購買旅遊保險,對雙方都有保障。此外,客人只要租喼期唔少於3日,就可以免費送貨上門,夠晒方便。「租喼JoGeep」亦有提供可帶上機艙嘅超小摺疊Yoyo嬰兒車,啱晒想帶埋小朋友一齊出國旅遊嘅家長。

網址:www.jogeep.com

Facebook:www.facebook.com/jogeep

 

3)JOGIP

同其他租喼公司相比,JOGIP只提供American Tourister嘅硬喼同軟喼款出租,選擇較少,不過日租只係$50,而且接受銀行轉賬或者網上信用卡付款,再加上JOGIP可以喺港鐵沿線交收,如果想上門送貨亦只係收$30,不失為經濟實惠嘅選擇。

網站:jogip.hk

Facebook:www.facebook.com/jogiphk

 

4)Suitcase Now

SuitcaseNow清一色提供Samsonite Firelite嘅行李箱出租服務,而且只有大(30吋)、中(25吋)同小(20吋)等3款尺寸,選擇唔多。價錢分別為$39、$38同$42,算係相當實惠,而且呢款喼勝在保護力強又輕身,好用又唔怕咁易壞。

網上預約後可以即時網上付款。要留意嘅係求租喼時SuitcaseNow會要求客人支付$1,000嘅按金,但只要提供旅遊保險副本就可以獲豁免按金。SuitcaseNow提供免費送貨服務。不過,由於離島區、元朗區、屯門區同北區就唔包,住喺以上地區嘅朋友可能要另揀取喼地點。

網站:www.suitcasenow.com

Facebook:www.facebook.com/suitcasenow

 

5)Esondata易訊數據

「Esondata易訊數據」主要提供數據卡同Wifi蛋嘅租借服務,不過原來連行李箱都有得租!Esondata只提供Rimowa唔同類型嘅行李箱,日租由$45 – $88不等,可以選擇現金、銀行轉賬或網上信用卡付款。至於交收方法,則可以選擇去銅鑼灣或荔枝角門市、指定交收站,又或者機場郵政局自取。

網站:www.esondata.com

Facebook:www.facebook.com/esondatahk

 

行李箱唔係成日用,租喼係一個好選擇。但如果你家中已經有一堆行李篋,唔係成日用又阻住晒啲地方?最好就用來儲起啲雜物,然後存晒入倉啦!不妨搵Boxful幫幫手,幫你騰出更多家居空間!

即搵Boxful幫手

——

延伸閱讀:【生活專訪】3位 收納達人 的執屋貼士

延伸閱讀:【儲存服務點揀好?】精明選擇 迷你倉 10大貼士

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *