Blog 首頁 儲存攻略 【文青必讀】 書本收納 5大貼士

【文青必讀】 書本收納 5大貼士

Minger
【文青必讀】 書本收納 5大貼士

香港書展每年都屢創參觀人次紀錄,而人均消費都動輒過千元,可見不少香港人仍然樂於買書。其實儲存書本絕對係一件煩惱事,無論你係真正書迷抑或偽文青,家中都往往會出現書本堆積如山或者書架半塌的場面,好難保持到有一個又靚又整齊嘅書架。Boxful為大家提供一啲 書本收納 貼士,教你如何節省空間之餘亦慳到錢。

 

貼士1:先放棄不必要的書

即使你自命係愛書之人,都要先懂得Let it go,必須養成定期清理不必要書本嘅習慣。例如有許多具時間性嘅工具書籍,諸如《乜乜旅遊天書2013》、《猴年運程2016》等,明明知道書中資訊都已經Outdated,還保存來做甚麼?事實上,而家好多資訊都可以上網搵到,呢類書本毋須多購買亦不必保留,以驣出更多家居空間。

如此雜亂的書櫃,是你家中書櫃的寫照嗎?

 

貼士2:把書籍分類處理

如果你係愛買書儲書之人,戒唔到買書嘅習慣,就必須常常為書架留一啲空間俾新書,所以都要定期處理書本。建議你可以將藏書分為三類:第一類係你至愛嘅書,或者係因某啲原因你必須收藏嘅書,就不必處理;第二類係小說類別,如果你睇完之後知道自己唔會再睇第二次,又或者你買咗幾年都未睇,就應該賣咗佢或送俾人;第三類係非小說書,涉及知識、趨勢、技術等等嘅內容,其實而家好多呢類資訊都可以上網搵到而且日新月異,實體書保留價值不大,睇過就應該盡快脫手。

(溫馨提示:真係有太多書本想保留,但家中地方又唔夠,可以考慮使用Boxful嘅服務!)

即搵Boxful幫手

 

貼士3:書本不應只在書房

藏書量很多的人,就會知道冇可能只把書存放在書房!其實書本毋須集中喺一個地方放置,應該善用家居其他空間,並且根據內容分別放在最常被用到嘅地方。例如:食譜書可以放在廚房或飯廳嘅小層架、雜誌或休閒書可以放在沙發邊的一個雜誌架,而廁所都可以放一個小書架。至於家中最大嘅書架,好多時都會放喺客廳而非書房,可以提升空間感。

這種小書架適合放在家中任何角落,即使是放在浴室中也毫不突兀。

 

貼士4:有門式書架 Vs 開放式書架

有門式書架嘅好處係,書本冇咁易鋪塵。不過真正喜歡睇書嘅人,一般會較喜歡開放式書架,因為隨手就可以攞到書本,好似喺書店或圖書館嘅感覺。其實書本鋪塵不是大問題,用靜電除塵掃就可以搞掂。

更加建議你,書架櫃背大可以不用背板,直接鏤空見到牆身顏色,增強視覺空間感。

背部鏤空的書架,會為你的客廳帶來更佳的空間感。

 

貼士5:留意書架尺寸

市面上出售嘅多功能開放櫃,其深度一般係25cm – 28cm,好適合用來當做書架。但因為書嘅高度不一,所以最好選擇層板可以調校嘅款式。

請留意:25cm深度的書架適合放漫畫,35cm則是標準書櫃的深度,而45cm深嘅櫃可收納大型雜誌。有啲收納櫃深至60cm – 75cm,就不適合做書架了。

有玻璃門的書櫃,最大好處是書本不易沾塵。當然玻璃櫃門也是要經常清理的。

 

如果你想家居有書卷氣,而唔係一堆堆書山堆填喺書房連地板都見唔到,咁書本收納真係好重要,最緊要係你要有定期處理書本嘅習慣。有啲你想儲,但又唔係經常會睇會用嘅書本,就不妨搵Boxful幫你手,用最妥善嘅迷你箱存喺最理想嘅地方,為你家居騰出更多空間!

即搵Boxful幫手

——

延伸閱讀:【衣櫃整理攻略】 衣物收納 8招令你衣櫃不再亂

延伸閱讀:【老公 Vs 老婆】邊個先係 儲物狂 ?

緊貼Boxful BlogFacebook Page,獲取更多家居生活貼士!

更多相關文章