【天寒地凍要保暖】家居 電暖爐 選購攻略

天氣逐漸轉冷,想屋企暖笠笠唔使包到成隻糭咁,一部高效能嘅 電暖爐 就好重要。不過電暖爐種類款式繁多,究竟挑選時有乜重點要留意?Boxful為大家講解下選購電暖爐貼士,幫你搵出最適合你嘅家用電暖爐!

 

電暖爐 3大類

常見嘅電暖爐主要有分充油暖爐、輻射式電暖爐和暖風機等,操作方式各異,而且各有優點同缺點:

1)充油式暖爐

充油式暖爐的機件內部裝有化學油,開機後發熱器會將油煮熱,然後於百葉管內循環,從而發出熱力。

優點:爐身溫度同散熱較均勻穩定,溫度可高達40℃,放暖範圍大,亦冇其他類型嘅暖爐咁乾燥,再加上操作時少噪音,適合老人家、孕婦同小朋友等取暖之用。

缺點:體積較大,而且要將油加熱需時,唔能夠即開即暖。如果想房間快啲變暖,就要選擇兼備小型暖風機的型號,即時送出暖風。

2)輻射式電暖爐

輻射式電暖爐透過機內配備發熱管或發熱線產生熱力,再利用內置嘅反射鏡集中光熱。

優點:體積小,升溫快,即開溫度可高達50℃,而且操作寧靜。

缺點:升溫範圍窄,要對正暖爐正面至夠暖,而且發熱管溫度高,同其他類型嘅電暖爐比冇咁安全。

3)吹風式暖爐(暖風機)

暖風機主要係靠內置嘅風扇吹出暖風,機內嘅發熱器一般為傳統發熱線,但近年亦流行用陶瓷式發熱器,通常會配備熱敏電阻,當溫度過高時,電阻會變大,從而減低電流同發熱器過熱嘅機會,較為安全。

優點:加熱速度快,而且機身較小容易搬動,又可調校熱風吹出嘅方向,方便又安全。

缺點:放暖範圍較細,只有風吹到嘅地方至暖,而且一般加熱溫度為30℃左右,適合細房使用,操作時亦有噪音,容易令空氣變得乾燥。

 

選擇 電暖爐 小貼士

揀選電暖爐時,除咗要留意發熱方式外,仲要考慮埋房間面積、Watt數同附加功能等因素:

1)Watt數愈大愈暖

暖爐並非體積愈大,發熱能力就愈高,關鍵係睇Watt數。簡單而言,1立方呎空間需要1 Watt熱力。如果想放喺睡房使用,咁一般2,000W嘅電暖爐就已足夠,但如果想放喺客廳用就宜購買Watt數更高嘅型號。因應房間面積大小選擇電暖爐,節省能源之餘又慳番不少電費。

2)加濕功能

電暖爐操作時好容易令到空氣變得乾燥,擔心皮膚繃緊嘅女士不妨揀選附有加濕功能嘅型號,定時切換吹出濕氣,令空氣保持濕潤。近年流行嘅陶瓷吹風式暖爐亦可減少消耗空氣中嘅水分,用時相對冇咁乾燥。

3)防水功能

如果想喺冬天沖涼時將暖爐放入浴室用,咁就要留意暖爐嘅IP值(Ingress Protection,防水保護級別)。因為浴室環境較潮濕,較容易接觸到水分,所以暖爐嘅防水等級應最少達到防滴(Drip-proof)IPX1至IPX3,而且用時要放喺距離浴缸或淋浴間60cm以外位置。如果浴室狹窄,就更容易濺起水花,咁電暖爐亦應至達到防濺(Splash-proof)IPX4或更高的防水等級要求。

 

型號推薦

消委會曾測試咗市面15款電暖爐,發現以下幾款電暖爐喺效能表現同安全性等方面都較為優異,總評獲得4星半:

 

1)惠而浦Whirlpool HT224陶瓷暖風機

建議零售價︰$1,298

  • 2,400W,適用於面積75立方米
  • 第6感智能恒溫技術,讓室內保持溫暖
  • 易拆式防塵過濾網,容易自助清洗
  • 纖薄機身及可拆底座設計,方便收納
  • 自動搖擺及廣角送風,讓暖氣平均分布
  • 清涼風模式,配合冷氣運作,令涼風更平均吹送

 

2)樂信牌Rasonic RA-CH2500L陶瓷暖風機

建議零售價︰$1,088

  • 上下發熱各有低熱及高熱運行模式調教,最高可達2,500W(低熱:900W / 高熱:1,250W)
  • DC馬達運作,減少運作噪音
  • LED電子室溫顯示屏
  • 12小時定時關機功能
  • 翻倒自動斷電及過熱保護裝置
  • 內附濾塵網
  • 附遙控器

 

3)威馬牌Goodway GH-60202

建議零售價︰$468

  • 陶瓷發熱,2,000W
  • 2段溫度控制,涼風選擇
  • 自動搖擺功能
  • 防結霜功能
  • 恆溫控制功能
  • 靜音設計
  • 過熱保護裝置
  • 空氣過濾功能
  • 易拆式過濾網設計

 

溫馨提示:電暖爐在香港唔會用足全年,一般都係由12月用到2月底左右,而其他日子,就要將電暖爐收藏在清涼、乾爽、少塵的地方,咁樣先可以保養得好同更耐用。不過話時話,電暖爐都真係幾嘥地方,如果你家中人多有3、4部,要搵地方存放都幾頭痛。

建議大家,去到天氣溫暖的日子,可以將電暖爐等冬天才用得到的電器或用品(例如厚被、厚褸、電毯等),用迷你箱迷你倉的方式存放,即刻搵Boxful幫手!

即搵 Boxful 幫手

——

延伸閱讀:【保持家居乾爽】 家用 抽濕機 選購攻略

延伸閱讀:【雜物多易鼻敏感】家居 空氣清新機 選購攻略

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *