【儲存服務點揀好?】精明選擇 迷你倉 10大貼士

香港人對 迷你倉 同 迷你箱 儲存服務嘅需求有增無減,不過如果你以為揀迷你倉只要夠平就得嘅話,咁就大錯特錯!想用迷你倉用得安心又放心,其實仲要留意倉庫嘅服務配套、保安系統、環境監控同防火設備有冇做到足!等Boxful話你知10個揀迷你倉必知貼士!

 

1)你真係要一個「倉」?

揀 迷你倉 或 迷你箱 服務首先考慮嘅必然係收費啦,始終存放雜物唔係一兩日嘅事,如果月費太貴就好難負擔得起。現時一般小型倉嘅每月收費為$500起,中型倉就$800 – $1,000左右,大型倉就約$1,500起。如果你唔需要咁大空間儲放雜物,其實不必租一個倉咁大!市面上有迷你箱服務以箱為單位,收費靈活,你可以按個人需求租借適合嘅儲物箱,譬如擺文件嘅可租用文件箱,普通小型雜物嘅就借儲物膠箱,收費為$30 – $90不等,係經濟實惠嘅選擇!

相關閱讀:【迷你箱 定 迷你倉?】雜物儲存服務全方位比較

 

2)留意 迷你倉 實用面積

價錢雖然重要,但格價時唔好忘記要留意倉庫尺寸指建築面積定係實用面積。現時部分公司嘅迷你倉係以建築面積計算租金,而且實用率只有6 – 7成,所以搵迷你倉時一定睇清楚價錢有冇標明係按實用面積計算租金。如果只係得建築面積,以為平價租咗個大型倉,結果都係唔夠位擺就得不償失。

 

3)公司有否搬運配套服務?

用得迷你倉或儲存箱服務,梗唔少得要搬運雜物。如果儲存服務公司本身有配套埋自設車隊同搬運團隊,可以幫你運送雜物去儲存倉就更方便,一站式就安排晒存倉搬運事宜。否則你在存倉時要自行Call Van,又要自行搬運,會相當吃力!

(溫馨提示:例如Boxful就有自家運送團隊,可以喺預約時間運送儲物膠箱去你屋企,等你收拾好所有物件入箱後再幫你將儲存箱運送去倉庫,就連取回儲物箱都一樣有專人送上門,全程足不出戶就可搞掂!)

 

4)倉庫保安夠嚴密嗎?

而家大部分迷你倉同迷你箱公司,都設有24小時閉路電視同拍卡系統等保安系統監控。不過好多倉庫為咗方便顧客存取物品而提供24小時自由出入服務,雖然夠晒方便,但咁亦表示每日有好多人出入倉庫,反而增加失竊機會。

所以,如果你打算將較為貴重或珍貴物品存放喺倉庫內,咁保安方面就絕對不能忽視。你可以選擇一啲只限職員進出嘅迷你倉(如Boxful),唔對外開放之餘,倉庫位置亦保密,保安程度更令人放心。

 

5)注意迷你倉的環境監控

除咗保安措施外,儲存倉庫嘅環境亦同樣重要。好似文件、書籍、衣服等物件都容易因為通風不足或濕度太重而發霉發黃,所以記得留意倉庫有冇冷氣設備、有冇完善嘅溫度/濕度控制、有冇防蟲措拖等,要確保環境佢乾淨衛生,否則物件嘅品質好容易受到破壞。

相關閱讀:【收納小貼士】 防潮 吸濕用品不可少

 

6)留意工廈的防火設備

自從發生迷你倉大火後,迷你倉嘅消防設備成為唔少人關注嘅問題,但政府至今仍未立法加強規管迷你倉。事實上,唔少迷你倉都係設於舊式工廈內,冇安裝自動灑水系統、滅火筒和消防喉轆等防火設備,而且通道狹窄,又有密集式間隔,一旦發生火災就好危險。所以租借迷你倉前一定要挑選防火設備齊全,而且符合消防條列嘅儲存倉庫。

 

7)包埋保險最穩陣!

無論保安同防火設備幾完善都好,都難保儲放物品萬無一失。如果迷你倉公司唔提供財物及水火保險,甚至喺合約列明物品若有任何損失都唔會負責,發生火災或水災時就損失慘重。幸而,近年開始有迷你倉同迷你箱公司提供免費保費,最好選擇這些有包保險的儲存服務公司。

(溫馨提示:好似Boxful就有為顧客存放物品投保,範圍包括火災同水災造成嘅損害,而且物件由運送、存倉同送回時都有免費嘅額外保障,儲放貴重物品就更放心。)

 

8)工廈有冇違反地契?

迷你倉一般都設喺工廈內,如果工廈嘅地契訂明只准作「工業用途」,咁迷你倉就屬於違反地契,隨時會被「釘契」,甚至被逼結業;一旦結業,你又要重新搵地方搬倉,實在費時失事。

根據地政總署近日公布嘅數據顯示,全港885間迷你倉之中有1/4都違反地契用途,其中182間迷你倉嘅業權人更因為冇於限期前糾正而被「釘契」。因此,挑選迷你倉時真係要小心,要留意工廈地契是訂明可作「工業及/或倉庫」用途,咁先算冇違反地契。

 

9)把握優惠慳租金

通常迷你倉都會定期推出網上優惠,或者為長期租客提供預繳月費折扣,譬如預交1年月費就有折扣,所以租期愈長,就平均月租就愈平。你應該好好把握呢啲優惠,小數怕長計,慳得一蚊得一蚊嘛!

提提你:Boxful而家就有新客戶首月免費優惠,可享最多10個標準儲物箱首月免費(3個月最短儲存期,不包括免費月份),唔好錯過!

馬上享用首月免費

 

10)記得細閲合約條款

通常租用迷你倉都係長期租約,所以好多迷你倉公司都會提供預繳租金嘅折扣優惠,不過簽約之前一定要睇清楚條款,譬如提早取消合約唔會退還已預繳嘅款­項。如果你只需要租借幾個月,咁就應該揀儲存期選擇較彈性嘅服務。

 

無論你需要迷你箱迷你倉服務,Boxful都可以為你貼身安排最適合你的儲存方案!即刻搵我哋幫手啦!

即搵Boxful幫手

——

延伸閱讀:【 儲物狂 不是 收藏家 】8條問題自我測試是否有 囤積病

延伸閱讀:自助洗衣店 興起,原來係迷你箱嘅親戚?

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *