【不必花大錢】經濟又環保的 防潮吸濕 用品DIY

香港嘅春季真係潮濕到一個點,又係時候去搜羅啲 防潮吸濕 用品,等家居嘅收納品可以保持乾爽、唔使搞到發霉。但係,大家有冇發覺,市面上啲吸濕防潮用品其實都幾貴下,走去買一堆吸濕盒、活性炭、防潮珠咁,居然都要幾百蚊找數!其實,有啲既環保又慳錢嘅代替品,一樣可以幫你防潮吸濕!等Boxful為大家介紹番:

 

1)咖啡渣

沖泡咖啡剩落嘅咖啡渣,曬乾之後放入紗布袋或絲襪入面,就成為最好嘅吸濕包,仲有除臭功能添!如果你好少飲咖啡,你可以向嗰幾間連鎖咖啡店嘅店員索取咖啡渣,佢哋一般都好樂意免費俾你。

 

2)茶葉

同咖啡渣類似,仲完茶嘅茶葉,曬乾之後放入紗布袋,又變成吸濕除味嘅良品。放幾包喺衣櫃裏面,既可去除霉味,又可令衣物有清香嘅味道。

 

3)柑/橘皮

過年期間大家有冇留底啲柑皮橘皮呢?好有用㗎!將佢哋曬乾,就係唔使另外用錢買嘅乾燥劑,仲有防蟲嘅功效。

 

4)乾花

曬乾嘅小菊花、薰衣草、茉莉、桂花、玫瑰等,都可以有效防霉防蟲,兼有殺菌功效,最適合放在衣櫃,為衣物添上花香。

 

5)舊報紙

舊報紙絕對唔係垃圾,而係寶物!將啲舊報紙捲喺衣架上,可以幫你啲大褸或羊毛衫防潮;如果怕舊報紙整污糟啲衫,就喺舊報紙外面包上一層保鮮紙。另外,亦可以將舊報紙揸成一舊舊,塞入啲鞋裏面,可以幫皮鞋波鞋吸濕防發霉。

 

6)洗衣粉

將啲吸濕盒循環再用,可以將啲洗衣粉倒入去,咁就成為一個全新嘅吸濕盒!將佢哋放喺需要吸濕嘅角落。當啲洗衣粉吸滿水分之後,雖然變成一塊塊,但一樣可以用來洗衫。

 

如果屋企真係太潮濕,不妨考慮善用Boxful嘅各類型儲存方案,等你嘅收藏品或當季少著嘅衣物得到最佳保存!

即按了解Boxful服務

——

延伸閱讀:【抽濕攻略】家用 抽濕機 選購Guide

延伸閱讀:【收納小貼士】 防潮 吸濕用品不可少

延伸閱讀:【點只得一個箱?】 Boxful 三大類型服務睇真啲!

緊貼Boxful BlogFacebook Page,獲取更多家居生活貼士!

Leave a Reply

Your email address will not be published. Required fields are marked *